Í byrjun þáttar var fjallað um Skorradal en sameining Skorradalshrepps og Borgarbyggðar var samþykkt í íbúakosningu sem lauk á laugardag. Fegurð Skorradals er rómuð og víða hefur verið um hana skrifað.
Runólfur Pálsson, forstjóri Landspítala, var gestur. Til stendur að reisa nýja byggingu yfir geðþjónustu spítalans. Rætt var um þau áform og eins nýbygginguna við Hringbraut sem vonast er til að verði tilbúin 2028.
Björn Malmquist, fréttamaður í Brussel fór yfir pólitík í Evrópu. Kosið verður í Tékklandi í byrjun október og stjórnarkreppa ríkir í borgarstjórn belgísku höfuðborgarinnar.
Þingkonurnar Kolbrún Áslaugar Baldursdóttir, Flokki fólksins, og Nanna Margrét Gunnlaugsdóttir Miðflokknum hafa lagt fram þingmál um breytt fyrirkomulag gildistíma ökuréttinda. Þegar 75 ára aldri er náð þarf fólk að endurnýja réttindin árlega. Þær vilja afnema það kerfi og gera eldra fólki lífið léttara hvað þetta varðar.
Tónlist:
Ég vil fara upp í sveit - Elly Vilhjálms,
Becoming - Sunna Gunnlaugsdóttir,
Hagavagninn - Skólahljómsveit Kópavogs,
Hagavagninn - Jóhann Helgason,
Þrjú hjól undir bílnum - Ómar Ragnarsson.
