Morgunvaktin

Heimsglugginn, íslenska sem annað mál og mögulegt réttarhneyksli

Bogi Ágústsson settist við Heimsgluggann. Danski forsætisráðherrann upplýsti í gær að langdrægum eldflaugum verði bæt í vopnabúr hersins. Einnig var fjallað um heimsókn Trumps til Bretlands og stöðu Starmes forsætisráðherra sem er veik.

Íslensk stjórnvöld leggja mun minna fé til tungumálakennslu fyrir innflytjendur en önnur ríki á Norðurlöndunum, og innflytjendur hér kunna minna í tungumáli nýja landsins. Samfélagið er lykillinn að því að breyta þessu, segja kennarar. Erla Guðrún Gísladóttir formaður Ísbrúar, félags kennara sem kenna íslensku sem annað tungumál, og Renata Emilsson Peskova, dósent á menntavísindasviði HÍ, ræddu um stöðu íslenskunnar sem annars máls.

Vera Illugadóttir sagði okkur frá vendingum í máli bresks hjúkrunarfræðings, sem fyrir tveimur árum hlaut margfaldan lífstíðarfangelsisdóm fyrir að myrða sjö nýfædda fyrirbura og reyna að myrða sjö aðra í starfi sínu á sjúkrahúsi í Chester á Englandi. Síðan hafa fjölmargir sérfræðingar stigið fram og gagnrýnt flestallt í máli ákæruvaldsins og segja sumir að mál hennar gæti orðið einn mesti skandall breskrar réttarsögu.

Tónlist:

Sigurður Ólafsson, Tríó Jan Morávek - Síldarvalsinn.

Kari Bremnes - Skrik.

Nora Brockstedt - Svo ung og blíð.

Manu Dibango - Carnaval.

Frumflutt

18. sept. 2025

Aðgengilegt til

Rennur ekki út

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.