Með réttu tækninni og svolítilli kunnáttu er á örskotsstundu hægt að búa til myndir og myndskeið og blekkja okkur auðveldlega sem kunnum ekki að greina falsanir frá raunveruleika. Forsetinn hafði orð á þessu í þingsetningarávarpinu í síðustu viku. Við forvitnuðumst um tæknina og þróunina og spurðum hvort, og þá hvað, hægt er að gera til að sporna við þessu. Brynjólfur Borgar Jónsson, framkvæmdastjóri Datalab, var gestur.
Við heyrðum tíðindi frá Danmörku þegar Borgþór Arngrímsson kom til okkar. Danir ætla að stórauka fjárveitingar til Grænlands samkvæmt nýkynntu fjárlagafrumvarpi þar í landi.
Og svo er það gjóðurinn sem unir sér við rætur Akrafjalls, þar sem nóg er að bíta og brenna. Hann prýddi forsíðu Morgunblaðsins í gær en áður höfðu birst myndir af honum annars staðar, m.a. í sjónvarpsfréttum. Myndasmiðurinn, fuglaáhugamaðurinn Sigurjón Einarsson ræddi við okkur.
Tónlist:
Lúdó og Stefán - Ólsen Ólsen.
Lúdó sextett, Stefán Jónsson - Því ekki.
Lúdó og Stefán, Hans Kragh Júlíusson, Elvar Berg Sigurðsson, Berti Möller, Stefán Jónsson - Átján rauðar rósir.
Ríó tríó - Ég sá þig snemma dags.
Potter, Chris - Eagle's point.
