Fjármálaáætlun borgarinnar til 2029 var samþykkt í gærkvöld. Gert er ráð fyrir að A-hluti borgarsjóðs verði rekinn með 1,3 milljarða króna afgangi í ár. Oddviti Sjálfstæðisflokksins í borginni sem að rekstrarafgangur borgarinnar sem boðaður er í nýsamþykktri fjármálaáætlun Reykjavíkurborgar sé tilkominn vegna eignasölu. Borgarstjóri segir stíft aðhald og agaða fjármálastjórn skýra viðsnúninginn í rekstrinum. Einar Þorsteinsson borgarstjóri kom til okkar.
Nokkur umræða hefur verið síðustu daga um óprúttna aðila sem hafa reynt og stundum tekist að svíkja fólk sem hefur pantað vörur á netinu. Tónlistarmaðurinn Friðrik Ómar var i viðtali hér á ruv í gær þar sem hann sagði sögu sína en hann tapaði nokkur hundruð þúsund krónum á slíkum viðskiptum. Heiðrún Jónsdóttir er framkvæmdastjóri Samtaka fyrirtækja í fjármálaþjónustu hún kom til okkar og leiðbeindi okkur hvað ber að varast í þessum efnum.
Kamilla Einarsdóttir rithöfundur kom til okkar en á eftir verður skemmtilegur viðburður í bókabúð Sölku, svokallað bókabarsvar.
Tíu sprotafyrirtæki hafa verið valin til að taka þátt í viðskiptahraðli Klaks, Startup SuperNova 2024. Markmið hraðalsins er að hraða framgangi sprotafyrirtækisins og að
það sé fjárfestingarhæft þegar hraðli lýkur. Eitt af þessum fyrirtækjum nefnist FairGame en um er að ræða hugbúnaðarlausn fyrir íþróttamót barna og unglinga. Með notkun gervigreindar er upplifun ungmenna í fyrirrúmi. Leikjum er raðað þannig að jafningjar mætist, á grundvelli raunverulegs styrkleika liða.
Jóhannes Ólafur Jóhannesson er höfundur Fair Game og hann kom í Síðdegisútvarpið og sagði okkur betur frá.
Atli Fannar Bjarkason mætti til okkar eins og alltaf á miðvikudögum með MEME vikunnar.
Ína Björg Hjálmarsdóttir deildarstjóri í Blóðbankanum var síðan á línunni en við forvitnuðumst um stöðuna þar á bæ.
