Tónleikarnir “Öll í einu” á Akureyri fer fram núna um helgina. Við hringdum í einn skipuleggjanda Halldór Kristinn Harðarson.
Í nýrri skýrslu er varað við auknum netárásum þar sem árásaraðilar nota gervigreind til að búa til skaðlegan hugbúnað og dreifa svokölluðum vefveiðaskilaboðum eða phishing. Við ræddum við Arnar S. Gunnarsson, yfirmann öryggismála hjá OK, um gervigreindar óværu.
Nýjasta kvikmynd Hlyns Pálmasonar, “Ástin sem eftir er”, hlaut aðalverðlaun Cinehill‑kvikmyndahátíðarinnar í Króatíu, sem lauk á sunnudaginn var. Myndin var frumsýnd á Cannes í vor. Anton Máni Svansson, framleiðandi myndarinnar, var á línunni hjá okkur.
Lögreglan á Suðurnesjum varar við því að hraunjaðarinn við eldgosið á Reykjanesi geti brotist skyndilega fram. Veðurstofan mælir með því að öll nýja hraunbreiðan verði afmörkuð og skilgreind sem áhættusvæði, og varar fólk eindregið gegn því að príla á nýstorknuðu hrauni. Við heyrðum í Sigríði Kristjánsdóttur náttúruvársérfræðingi á Veðurstofunni.
Við ræddum við Ágúst Mogensen sem brýnir ökumenn til að aka almennilega um helgina en nú byrjar hættulegasti tíminn í vikunni! 90 umferðaslys með meiðslum að meðaltali í ágúst, s.l. 5 ár.
Og í lok þáttar hringjum við austur í Neskaupstað en þar fer fram hátíðin Neistaflug um helgina eins og svo oft áður. María Bóel Guðmundsdóttir, framkvæmdarstjóri Neistaflugs, talaði við okkur.
