Við byrjum á hraðakstri við vegavinnusvæði. Nú er genginn í garð mikill framkvæmdatími og í dagbók lögreglunnar á höfuðborgarsvæðinu frá því í gær kemur fram að fimm hafi verið sviptir ökuréttindum fyrir að aka of hratt á framkvæmdasvæðum. Logi Sigurjónsson aðalvarðstjóri umferðadeildar lögreglunnar á höfuðborgarsvæðinu var á línunni.
Íslenska kvennalandsliðið í fótbolta mætir Serbíu í æfingaleik í dag. Leikurinn er sá síðasti í undirbúning liðsins fyrir Evrópumótið í fótbolta sem hefst 2. júlí. Leikurinn er í beinni útsendingu og hefst klukkan 17:00. Almarr Ormarsson íþróttafréttamaður lýsir leiknum og hann kom til okkar.
Við ræddum í gær við Pál Jakob Líndal, umhverfissálfræðing og Ástu Olgu Magnúsdóttur um fyrirhugaða uppbyggingu í Vesturbugt við gömlu Reykjavíkurhöfn, en hópur Vesturbæinga hefur sett af stað undirskriftasöfnun gegn henni, og kallar eftir nýju deiliskipulagi. Við ræddum við Örn Kjartansson framkvæmdastjóra verkefnisins í þættinum.
Vegagerðin hefur lagt til að rauðu hjörtun sem prýða umferðaljósin á Ak verði fjarlægð. Sindri S. Kristjánsson varabæjarfulltrúi Samfylkingarinnar á Akureyri situr í skipulagsráði bæjarins, og við spurðum hann hvernig þessi tillaga leggist í Akureyringa.
Landsmót UMFÍ 50+ verður haldið á Siglufirði og Ólafsfirði um helgina. Á fjórða hundrað þáttakendur munu keppa í meðal annars bridds, frjálsum, stígvélakasti, pílukasti, pönnukökubakstri og að sjálfsögðu boccia. Elsti keppandinn er fæddur árið 1933 og fagnar 92 ára afmæli í júlí. Við heyrðum í Ómari Braga Stefánssyni framkvæmdastjóra móta UMFÍ
Það verður mikið húllumhæ á Snæfellsnesi á morgun, þegar Snæfellsjökulsþjóðgarður fagnar 24 ára afmæli. Ragnhildur Sigurðardóttir þjóðgarðsvörður var á línunni
