Stjórnendur í dag eru Sigríður Elva Vilhjálmsdóttir, Kristján Freyr Halldórsson og Rúnar Róbertsson. Sent var beint út frá Hljómskálanum.
Í nokkur ár höfum við heyrt reglulegar fréttir af kvikusöfnun, landrisi og aflögun á Reykjanesskaga og nánast verið með niðurtalningu í beinni að næsta eldgosi. En það hefur lítið verið að frétta af þessum vígstöðum undanfarið, og við fengum Benedikt Ófeigsson fagstjóra aflögunarmælinga hjá Veðurstofunni til að segja okkur hvort þetta sé bara búið.
Hin árlega Víkingahátíð hefst í dag og fer dagskrá helst fram á Víðistaðatúni í Hafnarfirði, hátíðin stendur yfir dagana 14. til 18. júní og dagskráin býður m.a. upp á opinn markað, víkingabardaga, leiki, tónlist, handverk og víkingaskóla fyrir börn ... svo eitthvað sé nefnt. Jana Arnarsdóttir er ein af þeim sem stendur í undirbúningi hátíðarinnar og við slógum á þráðinn til hennar.
Þjóðhátíðardagurinn nálgast óðfluga og eflaust mikið um dýrðir víða um land. Fjölbreytt 17. júní dagskrá verður í boði í Reykjavík, skrúðganga, tónleikar, götuleikhús, sirkus,og m.a.s. fornbílasýningar hér í Hljómskálagarði svo fátt eitt sé nefnt. Hún Björg Jónsdóttir er verkefnastjóri viðburða hér í Reykjavík og heimsótti okkur í Hljómskálann.
Þegar sólin er hátt á lofti og veðrið leikur við okkur þá öskrar grillið á pallinum, eða svölunum á okkur og við æðum í kjörbúðina eftir grænmetinu, kjöti og sósum - en hvernig er grilltískan sumarið 2025? Er eitthvað nýrra en annað og erum við allt of gjörn að drekkja matnum í majónes-sósum? Hún Fanney Dóra Sigurjónsdóttir kokkur fór yfir sumargrillið og sósurnar með okkur.
Tónlistarmaðurinn Mugison á sitt heimili hér í Hljómskálanum um þessar mundir en hann hafði lengið látið sig dreyma um að spila í þessu fallega húsi. Hann hóf leika hér í gær, með lágstemmda tónleika fyrir ástfangið fólk á öllum aldri eins og hann orðar það. Við spjölluðum við Mugison sem tók lagið fyrir okkur í lok þáttar.
Lagalisti
Stjórnin - Sumarlag.
Nik Kershaw- I Won't Let The Sun Go Down On Me.
Á Móti Sól - Spenntur.
Magnús Þór & Jónas Sigurðsson - Ef ég gæti hugsana minna.
Foster The People - Pumped up kicks.
Mugison - Sólin Er Komin.
Elín Hall og Una Torfadóttir - Bankastræti.
Blazroca og Ásgeir Trausti - Hvítir skór.
U2 - Pride (In The Name Of Love).
Celebs og Sigga Beinteins - Þokan.
