Hanna Katrín Friðriksson, atvinnuvegaráðherra, ræddi við okkur um viljayfirlýsingu á milli Íslands og ESB um að efla samstarf um málefni hafsins og sjávarútvegsmál en mikil gagnrýni hefur komið fram. Þá hefur verið óskað eftir fundi í atvinnuveganefnd með ráðherra vegna þessa. En um hvað snýst þessi yfirlýsing. Hanna Katrín var á línunni.
Þorpshátíðin Tálknafjör fer fram á Tálknafirði um helgina. Marion Worthmann, Mæja, sagði okkur frá hátíðinni.
Setningar sem ætlað er að vera uppbyggilegar, eins og vertu besta útgáfan af sjálfum þér, eða hamingja er ákvörðun, geta farið þvert ofan í fólk sem líður illa eða glímir við lágt sjálfsmat eða kvíða. Sigvaldi Sigurðarson kannaði áhrif skilaboða sem leggja persónulega ábyrgð á líðan fólks í meistararitgerð sinni, og skrifar grein upp úr henni í SÍBS blaðið undir yfirskriftinni þegar sjálfsrækt særir. Sigvaldi kom og sagði okkur frá þessu.
Nýleg evrópsk könnun sýnir að margir ökumenn skilja ekki hvernig ökumannaaðstoðarkerfi virka og hvernig er hægt að nýta þau. Þetta hefur skapað vantraust hjá sumum bíleigendum gagnvart nýjum og tæknivæddari bílum, en hlutir á borð við blindpunktsviðvörun og akreinavara eru skyldubúnaður í nýjum bílum í ESB. Runólfur Ólafsson hjá FÍB ræddi þetta við okkur.
Nú um helgina fer fram pílumót hjá Snooker & Pool í Lágmúlanum þar sem nýliðar eru sérstaklega velkomnir. Arna Rut Gunnlaugsdóttir, mótstjóri, kom til okkar til að ræða mótið og áhugann á pílunni hér á landi.
