Óhætt er að segja að Stöðvafjörður hafi farið hrikalega illa út úr óveðrinu sem ekki er enn yfirstaðið fyrir austan. Tjónið er mikið og enn langt í land með að meta það þar sem aðstæður bjóða ekki upp á það. Fimm til sex slökkviliðsmenn bæjarins hafa staðið í ströngu við að sinna því sem upp kemur en ekki hefur tekist að senda aðstoð þar sem allir vegir eru lokaðir. Margeir Margeirsson varðstjóri slökkviliðsins á Stöðvafirði var á línunni.
Landsnet sendu frá sér tilkynningu fyrr í dag sem hljómar einfaldlega svona : Eldingahætta í dag Þetta er vegna kuldaskila seinni lægðarinnar sem gengur yfir landið og við fræddumst um þetta hjá Steinunni Þorsteinsdóttur uppslýsingafulltrúa Landsnets.
Grímur Atla kemur í heimsókn til að minna okkur á G-vítamínin. Átakið er hálfnað og ekki veitir af að rifja upp virkni G-vítamínana.
Hinn fjölhæfi Ævar Þór Benediktsson frumsýnir einleikinn Kafteinn Frábær eftir Alistair McDowall í Tjarnarbíó í næstu viku. Verkið er einleikur um föðurhlutverkið, karlmennsku, einmanaleika, sorg, missi og (auðvitað) ofurhetjur. Kafteinn frábær kom í heimsókn.
Rafleiðsla verður haldin að öðru sinni í vélarsal gömlu rafstöðvarinnar í Elliðaárstöð í Elliðaárdal um helgina. Rafleiðsla er hljóðbað sem gengur út á samtal í gegnum djúpa hlustun, stillta hugleiðslu og er dans á milli fyrirfram samdra tónsmíða og spuna. Benedikt Reynisson og Þórður Bjarki Arnarson meðlimir hljómsveitarinnar Osmé, sem spiluðu stanlaust í 12 klukkutíma á Stöðvafirði sögðu okkur nánar frá.
Sumir eru lofthræddir, flughræddir, hræddir við köngulær... Ég er svakalega hrædd við ROK. Þetta skrifaði fjölmiðlakonan og rithöfundurinn Sirrý Arnardóttir á vegginn sinn fyrr í dag. En er það virkilega svo að rokfóbía sé til ? við komumst að því í þættinum og heyrum í Sirrý,.
En við byrjum á Almannavörunum - samskiptastjórinn Hjördís Guðmundsdóttir er á línunni
