Í dag var breikkun Reykjanesbrautar á 5,3 km kafla frá Krýsuvíkurvegi að Hvassahrauni formlega tekin í notkun. Við heyrðum í G. Pétri Matthíassyni upplýsingafulltrúa Vegagerðarinnar.
Eins og margir vita er fátt jólalegra á aðventunni en Kaupmannahöfn. Það er eitthvað sérstakt við dönsku hefðirnar, matinn, skreytingarnar og allt hitt. Halla Benediktsdóttir er umsjónarmaður í Jónshúsi í Kaupmannahöfn hún var á línunni þaðan.
Ábendingalína var rekin á vegum Barnaheilla, þar til fyrir um tveimur árum, í samstarfi við lögreglu. Því miður hefur engin ábendingalína verið opin síðan. Hins vegar er fyrirhugað að setja slíka á stofn á næsta ári og sótt hefur verið um Evrópustyrk fyrir því. Þóra Jónsdóttir lögfræðingur hjá Netvís fór yfir þetta mál með okkur.
Margir elska að spila spil um jólin og borðspil eru eitthvað sem nátengt er jólahefðum á Íslandi. En hvaða spil eru vinsælust þessi jól og hverju mæla sérfræðingarnir með? Þau Linda Rós Ragnarsdóttir og Þorlákur Lúðvíksson frá Spilavinum komu í spilaspjall.
Í dag bárust fréttir af því að íslensk sundlaugamenning hafi verið staðfest á skrá Unesco yfir óáþreifanlegan menningararf mannkyns. Hvað þýðir þetta og hvernig er ferlið við að komast á listann og hvað tekur þá við? Vera Illugadóttir fór yfir þetta með okkur.
Og það er ekki nóg að heyra af aðventu og jólaundirbúningi í Köben, við heyrðum líka af jólaundirbúningi í Árborg. Hera Fjölnisdóttir sem er verkefnisstjóri menningar – og miðlunar í Árborg var á línunni.
