Veðrið hefur leikið okkur grátt undanfarið. Og við veltum fyrir okkur hvernig hafi gengið í umferðinni og hvernig stemningin sé í miðbæ Reykjavíkur en við sendum Sigga Gunnars út af örkinni og hann talaði meðal annars við eiganda Kokku á Laugaveginum.
Karl Bretakonungur ákvað í gær að svipta Andrés Bretaprins prinstitlinum vegna meintra kynferðisbrota hans. Andrés verður héðan í frá þekktur í sínu heimalandi sem Andrés Mountbatten Windsor en ekki Andrés prins. Við ætlum hringdum til Bretlands í Ingu Lísu Middleton og spurðum hana um hvernig breska þjóðin bregst við þessum fréttum og hvernig fjallað hefur verið um málið í bresku pressunni.
Undirbúningur fyrir hrekkjavökuna er á lokametrunum um allt land. Vinsældir hrekkjavökunnar aukast með hverju árinu og leggur fólk æ meiri metnað í búninga sína. Það er brjálað að gera hjá verslunareigendum þessa dagana og á línunni hjá okkur var Valgerður María Gunnarsdóttir, verslunarstjóri Partý búðarinnar.
Eitt óvæntasta söngpar íslenskrar tónlistarsögu, steig fullskapað fram í sviðsljósið á upphafsárum þessarar aldar, eða árið 2005. Gríðarlegur aldursmunur er á parinu en í dag má vart sjá hvort þeirra er eldra, svo vel hafa árin leikið eldri helminginn. Þetta eru þau Guðrún Gunnars og Friðrik Ómar
Já, það eru rúm 20 ár frá þessu ÉG SKEMMTI MÉR ævintýri og heldur betur tilefni til að fagna tímamótunum með glæsilegum tónleikum í Hörpu þann 31.janúar 2026. Friðrik Ómar og Guðrún Gunnars mættu til okkar.
Rebekka Blöndal og Ari Árelíusi gefa út nýtt lag í dag, Vofa. Þau kíktu í heimsókn með nýja lagið og fluttu skemmtilegt kover í beinni.
Í áratugi hefur spurningin um hvort rokkið sé dautt gengið á milli manna, eftir síðustu stóru rokksprengju, gruggið, snemma á tíunda áratug síðustu aldar hefur rokktónlist verið minna áberandi á vinsældarlistum heimsins þó vissulega hafi komið rokkgusur hér og þar. Nú er spurt um rappið! Benedikt Freyr Jónsson tónlistarmaður mætti til okkar til að ræða stöðuna. Í vikunni var birtur listinn yfir 100 vinsælustu lögin í Bandaríkjunum og í fyrsta skipti síðan í febrúar árið 1990 er ekkert rapplag á topp 40!
