Allir verðlaunahafar Noregs á HM í skíðastökki sem lauk um helgina í Þrándheimi sæta nú rannsókn vegna svindls. Gunnar Birgisson fór yfir það með okkur.
Björg Magnúsdóttir fjölmiðlakona og fyrrverandi aðstoðarmaður Einars Þorsteinssonar borgarstjóra skrifaði áhrifamikla og langa færslu á FB um helgina þar sem hún lýsir ástandinu í leikskólamálum borgarinnar. Sonur hennar er 27 mánaða og er ekki kominn með leikskólapláss en samkvæmt nýjustu tölum er hann númer 25 í röðinni í þann leikskóla sem þau völdu sem fyrsta val. Á sama tíma segir í fréttum frá borginni að meðalaldur við inntöku í leikskóla sé nú 22 mánuðir. Björg kom til okkar og fór yfir þennan vanda sem foreldrar ungra barna í borginni búa við.
Það er fréttavakt á vefnum okkar RÚV.is í þessum töluðu orðum en ástæðan er sú að olíuskip og flutningaskip rákust saman úti fyrir ströndum Bretlands í morgun. Við fylgdumst með því máli með Þorgerði Önnu Gunnarsdóttur fréttakonu.
Úrslit Melodifestivalen réðust um helgina í Svíþjóð en eins og venja er var mikil stemning fyrir keppninni í heimalandinu. Keppnin í ár var spennandi en margir flottir listamenn kepptust um farmiðann til Basel í Sviss þar sem Eurovision fer fram í maí. Að endingu var það Kaj og Bara bada bastu sem bar sigur úr býtum. Við greindum keppnina og úrslitinmeð Eurovision áhugamönnunum Baldvini Þór Bergssyni og Reyni Þór Eggertssyni.
Í nýjasta tölublaði Læknblaðsins er fjallað um þá staðreynd að Ísland býr ekki að opinberri stefnum í tóbaksvörnum. Við fengum Jóhönnu Sigríði Kristjánsdóttur hjúkrunafræðing og ráðgjafa krabbameinsfélagsins á höfuðborgasvæðinu til að ræða tóbaksvarnir og stefnuleysið í málaflokknum.
Matarhátíðin Food & Fun fer fram í 24. sinn 12. til 16. mars. Sautján gestakokkar taka þátt í hátíðinni í ár og eru fimm þeirra konur. Það er töluverð breyting frá því í fyrra þegar enginn gestakokkur var kona. Siggi fór með tækið og kíkti á veitingastaðinn Mat og drykk á Grandanum.
Einar Mikael kom til okkar en hann hefur verið að þrívíddar prenta Íslenskar kirkjur. Einar er að vinna í sýningu þar sem kirkjurnar verða til sýnis í vor þar á meðal 3 risa kirkjur Hallgrímskirkja, Akureyrarkirkju og Patreksfjarðarkirkja
