Í dag voru lýðheilsuvísar 2024 kynntir en lýðheilsuvísar eru safn mælikvarða sem gefa vísbendingar um heilsu og líðan þjóðarinnar og tengda þætti. Dóra Guðrún Guðmundsdóttirsviðsstjóri lýðheilsusviðs, embætti landlæknis kom til okkar og við spurðum hana út í þessa þætti.
Og til að koma okkur í góðan helgargír fengum við til okkur hana Unu Torfa sem var að senda frá sér nýtt lag í dag, lagið Dropi í hafi. Lagið er glænýtt en framundan hjá henni eru útgáfutónleikar á plötu hennar Sundurlaus samtöl sem kom út í apríl.
Bikarúrslit karla í fótbolta eru á morgun og þar mætast Víkingur og KA. Það má reikna með hörku rimmu í Laugardalnum en Víkingar unnu KA í úrslitaleiknum fyrir ári síðan. Og hituðum upp fyrir leikinn með tveimur eðal mönnum. Sævar Pétursson framkvæmdastjóri KA mætti hingað ásamt Sverri Geirdal varaformanni knattspyrnudeildar Víkings.
Kvikmyndin Ljósvíkingar hefur heldur betur fengið góðar móttökur á Ísafirði en Ísfirðingar hafa flykkst í bíó að sjá myndina og við ætlum að hringja vestur og heyrðum í Snævari Sölva Sölvasyni leikstjóra og handritshöfundi myndarinnar.
Jakob Birgisson uppistandari kom í þáttinn svona í tilefni af því að það er föstudagur og okkur langaði að vera dálítið á léttu nótunum en líka vegna þess að hann er að frumsýna Vaxtaverki glænýja uppistandssýningu í Tjarnarbíó á morgun.
Í gær stóð Röskva, stúdentahreyfing í Háskóla Íslands, fyrir kröfufundi fyrir framan aðalbyggingu Háskólans þar sem rektor var afhent krafa um að stúdentum yrði boðið upp á ódýrt samgöngukort, svokallaðann U-passa. S. Maggi Snorrason, stúdent og nefndarmeðlimur málefnanefndar Röskvu, er mætti til okkar.
Lagalisti:
Sálin hans Jóns míns - Hvar Er Draumurinn?.
Friðrik Dór - Fröken Reykjavík.
Lizzo - Juice.
Post Malone og Luke Combs - Guy For That.
Black Pumas - Mrs. Postman.
Eyþór Ingi Gunnlaugsson - Áfram KA menn.
Patrik Atlason - Við erum Víkingar
Mugison - Kletturinn.
Helgi Björnsson - Í faðmi fjallanna.
Una Torfadóttir - Dropi í hafi.
Una Torfadóttir - Fyrrverandi.
Herra Hnetusmjör - Ómótstæðileg.
Lionel Richie - All Night Long (All Night) [Radio Edit].
