Í grein sem Viðar Halldórsson prófessor í félagsfræði skrifaði á Vísi í byrjun september og ber yfirskriftina "Samfélag sem týnir sjálfu sér" vill Viðar meina að Samfélagið hafi villst af leið. Viðar segir samfélagið stjórnast meira og minna af efnahagslegum forsendum frekar en manneskjulegum, ofurkapp sé lagt á hagræði og skilvirkni og grefur undan lykilstofnunum sínum. Þessi firring birtist síðan í stórum og vaxandi vandamálum þess sem einstaklingar finna á eigin skinni, svo sem eins og aukin angist sem má greina í hækkandi tíðni einmanaleika, kvíða og kulnunar. Viðar kom til okkar.
Í tilefni af 20 ára afmæli UNICEF á Íslandi senda þau út ákall til þjóðarinnar um mikilvægi þess að búa til pláss í hjartanu fyrir öll börn sem þurfa stuðning, vernd og mannúðaraðstoð í heiminum í dag. Í átakinu nú hefur UNICEF á Íslandi fengið til samstarfs við sig mörg fyrirtæki og stofnanir sem ætla að svara kallinu og „búa til pláss“ fyrir málstaðinn í nærumhverfi sínu, daglegu starfi, húsnæði og auglýsingaplássum og þannig leggja Heimsforeldrasöfnun þeirra lið. Meðal annars var gerð auglýsing þar sem að kom hópur 20 barna og þá fékk Unicef á Íslandi þau Bryndísi Jakobsdóttur og Memfismafínu til þess að búa til lag til að styðja við átakið. Birna Þórarinsdóttir, framkvæmdastjóri UNICEF á Íslandi, kom til okkar.
Heimild til þess að nýta séreignarsparnaðarúrræði stjórnvalda rennur út undir lok árs. Sitt sýnist hverjum í þessum efnum og í nýlegri grein í Vísbendingu fjalla Gylfi Zoega prófessor í hagfræði við Háskóla Íslands og Már Wolfgang Mixa dósent í viðskiptafræðideild Háskóla Íslands um notagildi séreignasparnaðar sem hagstjórnartæki og færa fyrir því rök að réttast væri að framlengja heimildir til þess að beita úrræðinu.
En hverjum gagnast þetta úrræði best og á hverjum kemur það verst niður á verði því hætt. Því svaraði Björn Berg Gunnarsson fjármálaráðgjafi
Þóra Þorgeirsdóttir, doktor í mannauðsstjórnun og lektor við Háskólann í Reykjavík, kennir á vinsælu námskeiði hjá Endurmenntun HÍ sem ber heitið Vellíðan starfsfólks. Þóra kom til okkar á eftir og við spyrjum hana út í það helsta semmáli skiptir þegar kemur að vellíðan á vinnustað og hvað við getum sjálf lagt til málanna í þeim efnum.
Á Torginu sem er á dagskrá eftir fréttir i kvöld er umræðuefnið ungt fólk, líðan þess og eflaust verður rætt um ofbeldi og hnífa notkun. Við fengum til okkar umsjonarfolk þáttarins til okkar á eftir til að fara aðeins betur yfir það hverjir verða i salnum.
Elliðaárstöð, Orka náttúrunnar og Veitur standa fyrir málþingi í hádeginu á morgun þar sem umferð hjólandi og gangandi er í öndvegi undir yfirskriftinni Aðförin í öndvegi. Þarna verða erindi um vistvænar samgöngur og borgarskipulag út frá ýmsum hliðum. Við fengum til okkar Eddu Ívarsdóttur, borgarhönnuð hjá Pláss, til okkar en hún spyr í sínu erindi "Hvaða áhrif hefur bílablindan haft á samfélagið, daglegt líf og umhverfi? Hvernig hafa borgir og bæjarfélög mótast eftir þörfum bíla og hvaða ráð höfum við til að breyta þessu?"
