Óttast er að umhverfisstórslys hafi orðið í Norðursjó þegar olíuskip og flutningaskip rákust þar saman í morgun. Búast má við að það taki langan tíma að skera úr um orsök slyssins.
Skipulagsfulltrúi Reykjavíkurborgar hefur veitt heimild til að fella 800 tré í Öskjuhlíð, til viðbótar við þau 600 sem þegar hafa verið felld.
Formaður Eflingar segir suma atvinnurekendur hafa komið sér upp viðskiptamódeli sem snúist um að svindla á fólki og vill að vinnuveitendur sem staðnir eru að launaþjófnaði verði látnir greiða sektir
Fjármálaráðherra er ánægður með að loks sjái fyrir endann á uppgjöri ÍL-sjóðs, með tillögum sem fela í sér að ríkið greiði 650 milljarða króna til kröfuhafa, aðallega lífeyrissjóða.
Utanríkisráðherra Bandaríkjanna segist vongóður um að leysa megi úr stöðvun hernaðaraðstoðar Bandaríkjanna til Úkraínu, á fundi fulltrúa ríkjanna á morgun.
Sumum íshellafyrirtækjum sem starfa í Vatnajökulsþjóðgarði þykir of mikið að miða við að lokað sé fyrir íshellaferðir sex mánuði á ári. Fulltrúi í matsráði sem metur ástand og öryggi íshella segir mestu skipta að sátt ríki um að bjóða ekki slíkar ferðir á sumrin þegar ís er óstöðugur.
Umsjón: Ásrún Brynja Ingvarsdóttir og Ævar Örn Jósepsson
Tæknimaður: Mark Eldred
Stjórn útsendingar: Annalísa Hermannsdóttir
