Bandaríkjamaður páfi, gögn geymd eins hjá sérstökum og lögreglu, þrír dæmdir í Vatnagarðsmáli
Bandaríkjamaðurinn Robert Prevost var kjörinn páfi síðdegis. Hann hefur tekið sér nafnið Leó fjórtándi. Hann er fyrsti Bandaríkjamaðurinn til að sitja á páfastóli.
Héraðssaksóknari segir að ábyrgð á stuldi gagna frá embætti sérstaks saksóknara og lögreglu liggi fyrst og fremst hjá þeim sem tóku þau. Ríkislögmaður taki afstöðu til skaðabótakrafna verði þær settar fram.
Héraðsdómur hefur sakfellt þrjá karlmenn fyrir frelsissviptingu sem stóð yfir í á þriðju klukkustund, við Vatnagarða í Reykjavík, stórfellda líkamsárás og kynferðisbrot henni tengdri. Tveir árásarmannanna voru vinir þess sem varð fyrir árásinni.
Um tuttugu fjölskyldur á Nýfundnalandi hafa misst heimili sín í gróðureldi sem kviknaði í gær. Íslenskur slökkviliðsmaður segir að vonast sé til þess að ná tökum á eldinum innan næsta sólarhrings.
