Skriðuhættur á Austfjörðum og ekki einföldun regluverks
Nokkrar skriður hafa fallið í ár- og lækjarfarvegi á Austfjörðum í dag. Viðvarandi skriðuhætta er á Austfjörðum og fólk er hvatt til að halda sig fjarri bröttum hlíðum.
Eftirlit með matvælum, hollustuháttum og mengunarvörnum verður fært frá ellefu stofnunum til tveggja. Framkvæmdastjóri heilbrigðiseftirlits telur að stigið verði skref til baka.
Tveir aðstoðarmenn borgarstjóra hafa hætt á fyrstu sex mánuðum í starfi. Hún segist ekki kannast við erfitt starfsumhverfi á skrifstofunni.
Þúsund manns fórust í aurskriðu í Súdan í gær. Vegna átaka í landinu eru margir bæir lokaðir og ekki hægt að koma neyðaraðstoð þangað.
Ísland á ekki lengur möguleika á að komast áfram á Evrópumótinu í körfubolta eftir tap fyrir Slóveníu í dag.