Kvöldfréttir útvarps

Ríkið selur allt og þrír með réttarstöðu sakbornings

Ríkið selur allan hlut sinn í Íslandsbanka í útboðinu sem lauk klukkan fimm í dag – 45,2 prósent en ekki aðeins þau 20 prósent sem gert var ráð fyrir í upphafi. Eftirspurn innanlands var fordæmalaus segir í tilkynningu frá ráðuneytinu.

Þrír eru með stöðu sakbornings í rannsókn lögreglu á bruna á meðferðarheimilinu Stuðlum, þar sem sautján ára piltur lést.

Framlög vegna íþróttahúss KR verða skert um hundrað milljónir verði breytingatillögur borgarstjóra á fjárfestingaáætlun samþykktar. Framlög til selalaugar eiga að hækka um sextíu milljónir króna. Framkvæmdastjóra KR er brugðið yfir tillögunni.

Allt bendir til þess að fundur sendinefnda Úkraínu og Rússlands um friðarviðræður fari fram á morgun. Ekki er búist við stórtíðindum.

Formaður bæjarráðs Ísafjarðarbæjar vill hraða sameiningu sveitarfélaga á Vestfjörðum. Mismikil stemning er fyrir sameiningu.

Fimm stærstu útgerðarfélögin greiddu meira en þriðjung af því veiðigjaldi sem innheimt var á síðasta ári. Þau eiga eignir upp á hundruð milljarða og fingraför eigenda þriggja þeirra eru víða – ekki aðeins í sjávarútvegi.

Frumflutt

15. maí 2025

Aðgengilegt til

15. maí 2026

• 00:01:16 Íslandsbankaútboð
• 00:02:07 Rannsókn á bruna á Stuðlum
• 00:03:33 Hitamet maímánaðar slegið
• 00:04:40 Framkvæmdastjóra KR ekki um sel
• 00:06:37 Staðan á friðarviðræðum í Istanbúl
• 00:07:52 Ísafjarðarbær opinn fyrir öllum sameiningum
• 00:09:50 Fréttir fyrr á ferðinni
• 00:10:00 Veður

Fréttir