Morgunútvarpið

12. júní - LA, þingið og Grænland

Lögregluyfirvöld í Los Angeles hafa handtekið nærri fjögur hundruð manns vegna mótmælanna sem fram hafa farið í borginni síðan á laugardag. Sagt er að ró sé að færast yfir borgina. Við tökum stöðuna með Dröfn Ösp Snorradóttur-Rozas sem er búsett í LA.

Kristján Hafþórsson, einn jákvæðasti maður landsins, félagsfræðingur og fyrirlesari, verður gestur okkar eftir fréttayfirlitið hálf átta en hann ræðir í sumar við krakka í vinnuskólanum um jákvæðni og hugrekki.

Við höldum áfram að ræða baráttu Grænlendingar þegar kemur að því að fá að leika keppnisleik í knattspyrnu á alþjóðasviðinu. Guðmundur Þorsteinsson býr þar og þekkir íþróttamálin vel og hann verður á línunni hjá okkur.

Við ræðum stöðuna á þingi morguninn eftir eldhúsdagsumræður við Hildi Sverrisdóttur, þingflokksformann Sjálfstæðisflokksins, og Ragnar Þór Ingólfsson, þingflokksformann Flokks fólksins.

Hafsteinn Einarsson lektor í tölvunarfræði ræðir við okkur um rannsókn á gervigreind á vegum Apple sem hefur gengið eins og eldur um sinu.

Í lok þáttar heyrum við í Ragnhildi Þórðardóttur heilsusálfræðingi sem minnir fólk á að taka ekki dugnaðarkvíða með sér í sumarfríið.

Frumflutt

12. júní 2025

Aðgengilegt til

Rennur ekki út

• 00:15:26 Mótmæli í LA -Dröfn Ösp Snorradóttir-Rozas
• 00:26:03 Jákvæðni -Kristján Hafþórsson
• 00:37:39 Fótbolti í Grænlandi -Guðmundur Þorsteinsson
• 00:54:59 Morguninn eftir Eldhúsdag -Hildur og Ragnar
• 01:12:19 Gervigreindin og turnarnir -Hafsteinn Einarsson
• 01:24:15 Dugnaðarkvíði og sumarfríið -Ragnhildur Þórðardótt

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjón: Hafdís Helga Helgadóttir og Ingvar Þór Björnsson.