Hilmar Jökull Stefánsson, formaður Tólfunnar, stuðningssveit íslensku landsliðanna í knattspyrnu, verður á línunni frá Spáni í upphafi þáttar þar sem íslenska karlalandsliðið tapaði gegn Kósóvó í gær.
Í nýrri rannsókn fundust skýr tengsl tengsl á milli vestræns mataræðis hjá mæðrunum og ADHD og einhverfu hjá börnum þeirra. Niðurstöður rannsóknarinnar hafa vakið hörð viðbrögð. Þórhallur Ingi Halldórsson, prófessor við Matvæla- og næringarfræðideild HÍ ræðir málið við okkur.
Kjartan Þorbjörnsson eða Golli vann Mynd ársins 2024 um helgina. Hann flutti ræðu um aðgengismál fjölmiðlafólks við afhendinguna þar sem hann sagði ma. frá því að ljósmyndurum var meinaður aðgangur að einu stærsta fréttamáli síðasta árs, þegar Grindvíkingar þurftu að flytja úr húsnæðum sínum með hraði. Hann kemur til okkar.
Salvör Nordal, umboðsmaður barna, verður gestur okkar eftir átta fréttir þegar við ræðum málefni barna og þau verkefni sem bíða nýs mennta- og barnamálaráðherra.
Íþróttir helgarinnar. Almarr Ormarsson.
Nokkur umræða hefur verið undanfarið um svokallaða gervilistamenn á Spotify. Máni Pétursson, umboðsmaður og fjölmiðlamaður, ræðir þessi mál við okkur en hann skrifaði færslu á Facebook síðu sína um helgina þar sem hann kallaði Spotify viðbjóð.
