Morgunútvarpið

Hestaferðir, vísindi, sinfóníur, íþróttir og nornir

Með frelsi í faxins hvin - riðið í strauminn með Hermanni Árnasyni, er nafn nýútkominnar bókar sem Hjalti Jón Sveinsson ritar um fyrrnefndan Hermann Árnason ferðagarp og hestamann, en Hermann er m.a. þekktur fyrir að ferðast um landið þvert og endilangt, stundum einn með 30-40 hrossa stóð á eftir sér, að hafa riðið allt að 3500 km á einu sumri og vera hestamanna fróðastur um vatnareið.

Hermann var á línunni.

Sævar Helgi Bragason mætti í vísindaspjall og fór vítt og breitt, m.a. til Norðurpólsins og út í geim.

Það er ekki bara starfandi sinfóníuhljómsveit í Reykjavík, þær finnast nefnilega víðar um land, m.a. á Austurlandi. Við heyrðum í Sóleyju Þrastardóttur sem er formaður stjórnar Sinfóníunnar þar um slóðir og forvitnuðumst um sveitina og helstu verkefni hennar.

Lífleg íþróttahelgi er að baki og við fórum yfir helstu tíðindi ásamt Eddu Sif Pálsdóttur íþróttafréttamanni.

Í kvöld verður boðið upp á nornaviðburð hér í Reykjavík þar sem verður galdrað og spáð ásamt ýmsu fleiru sem ætlað er að skapa magnaða samverustund. Þær Selma Hafsteinsdóttir, Dagný Ásta Guðbrandsdóttir og Ellý Ármanns eru meðal þeirra sem kvöldinu stýra og þær komu í spjall.

Frumflutt

17. nóv. 2025

Aðgengilegt til

Rennur ekki út

• 00:29:37 Hermann Árnason um hestaferðir og nýja bók
• 00:49:08 Sævar Helgi Bragason með vísindaspjall
• 01:00:04 Sóley Þrastardóttir um Sinfóníuhljómsveit Austurl.
• 01:10:01 Edda Sif Pálsdóttir í sportspjalli
• 01:21:29 Selma, Dagný og Ellý um nornaviðburð

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjón: Hafdís Helga Helgadóttir og Ingvar Þór Björnsson.