Morgunútvarpið

18. Desember -Meiriháttar ljót markísa, fæðingasögur feðra, púlsinn o.fl..

Hafnfirðingurinn Ingi Hrafn Arnarson reyndi í gær að gefa markísu sem var að hans sögn fáránlega ljót. Hann gaf fólki ekki meiri upplýsingar en það en tók fram að skilyrði fyrir að því að eignast „alveg meiriháttar ljóta“ markísu væri að mæta og taka hana niður. Það er ekki mikið meira um þetta mál að segja nema að Morgunútvarpið varð að forvitnast um hvernig gekk að gefa markísuna ljótu. Við sláum því á þráðinn til Inga.

Ísak Hilmarsson birti í gær einskonar hugvekju á Vísi þar sem hann hvatti fólk til að ræða fæðingarsöguna sína við foreldra sína, maka sinn og jafnvel börn. Sagði hann tilfinningarnar sem við upplifum gjörólíkar og velti hann fyrir sér hvort það sé hreinlega til mikilvægari saga til að segja. Við bjóðum Ísak í kaffi til að ræða fæðingarsögur.

Hver er maður ársins? Hlustendur Rásar 2 velja nú mann ársins með því að hringja inn í hina ýmsu þætti á rásinni og Morgunútvarpið lætur ekki sitt eftir liggja og opnar fyrir símann.

Sex dagar í jól og taugakerfið þanið? Sigrún Þóra Sveinsdóttir er doktor í lífeðlislegri sálfræði og ætlar að segja okkur hvernig við pössum púlsinn á jólunum.

Frumflutt

18. des. 2025

Aðgengilegt til

Rennur ekki út

Morgunútvarpið vekur hlustendur með glóðvolgum fréttum og snarpri umfjöllun um samfélagsmál.