Morgunútvarpið

7. apríl - Samsköttun, tollar og stöðuvarðabílar

Landris og jarðskjálftar halda áfram við Reykjanesskaga. Við tökum stöðuna með Magnúsi Tuma Guðmundssyni prófessor í jarðeðlisfræði.

Mikið hefur verið rætt um áhrif þeirra tolla sem Donald Trump Bandaríkjaforseti kynnti í síðustu viku. Í nýrri úttekt Euronews er rýnt í hvernig breytingarnir kunni að leiða til lægra vöruverðs í ákveðnum vöruflokkum á evrópskum markaði. Við ræðum þær vangaveltur við Benjamín Julian, verkefnastjóra verðlagseftirlits ASÍ.

Í fjármálaáætlun sem rædd er áfram á þingi í dag kemur fram að afnema eigi samsköttun milli skattþrepa í tilviki hjóna og sambýlisfólks. Kristján Ingi Mikaelsson, framkvæmdastjóri og fjárfestir, er gagnrýninn hvað þessar breytingar varðar og segir höggin halda áfram að dynja á ungum barnafjölskyldum. Hann verður gestur okkar fyrir átta fréttir.

Það hefur vakið mikla athygli að bílastæðasjóður hefur tekið í notkun bíl sem er útbúinn myndavélum sem skanna bílnúmer og veita þannig upplýsingar um hvort fólk hafi greitt í stæði eða ekki. Þetta eru töluverðar breytingar á bílastæðamálum í borginni sem oft er deilt um. Við ræðum þau mál við Ragnhildi Öldu Vilhjálmsdóttur, borgarfulltrúa Sjálfstæðisflokksins, og Dóru Björt Guðjónsdóttur, borgarfulltrúa Pírata og formann umhverfis- og skipulagsráðs borgarinnar.

Við förum yfir íþróttir helgarinnar, venju samkvæmt.

Utanríkisráðuneytið hefur gefið út ferðaleiðbeiningar fyrir hinsegin fólk. Í tilkynningu ráðuneytisins segir: Viðhorf gagnvart hinsegin fólki eru á mörgum stöðum í heiminum frábrugðin því sem við eigum að venjast á Íslandi og að alvarlegt bakslag hafi orðið í þeim málum í Evrópu og Bandaríkjunum. Þá segir líka að ráðuneytinu hafi borist þónokkur erindi vegna ferðalaga til Bandaríkjanna. Við ræðum málið við Jóhannes Þór Skúlason fram­kvæmda­stjóra Sam­taka ferðaþjón­ust­unn­ar og stjórnarmann í Samtökunum 78.

Frumflutt

7. apríl 2025

Aðgengilegt til

Rennur ekki út

• 00:17:52 Staðan á Reykjanesskaga -Magnús Tumi
• 00:24:38 Áhrif Trumptolla á verðlag -Benjamín Julian
• 00:35:59 Samsköttun afnumin -Kristján Ingi
• 00:49:27 Bílastæðabíllinn -Dóra Guðjóns og Ragnhildur Alda
• 01:15:17 Íþróttir -Einar Örn
• 01:27:24 Ferðaleiðbeiningar f. hinsegin fólk -Jóhannes Þór

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjón: Hafdís Helga Helgadóttir og Ingvar Þór Björnsson.