Síðdegisútvarpið

Barátta verkalýðs, bresk stjórnmál, Baby Reindeer og banvænn sjúkdómur sem ekki fer í frí.

Afar umdeilt frumvarp bresku ríkisstjórnarinnar um að senda hælisleitendur til Rúanda var samþykkt á þinginu í vikunni og býst Rishi Sunak forsætisráðherra við að fyrstu hælisleitendurnir verði fluttir til Rúanda á næstu vikum. Oddur Þórðarson fréttamaður er vel að sér í breskum stjórnmálum og sagði okkur inn í þetta umdeilda frumvarp.

Þáttaröðin Baby Reindeer á Netflix hefur slegið í gegn um allan heim. Hún fjallar um uppistandara sem lendir í eltihrelli. Þáttaröðin er byggð á sönnum atburðum og nú íhugar hinn upprunalegi eltihrellir að leita réttar síns en hún segist hafa lent í miklu aðkasti eftir að þættirnir voru birtir. María Rún Bjarnadóttir, verkefnastjóri stafræns ofbeldis hjá ríkislögreglustjóra, ræddi hinar mörgu hliðar þessa máls.

Dagur verkalýðsins er á morgun, 1.maí. Það þýða kröfugöngur um allt land. Yfirskrift á þessum baráttudegi launafólks í ár er Sterk hreyfing – sterkt samfélag. Freyja Steingrímsdóttir, samskiptastjóri BSRB og meðlimur fulltrúaráðs verkalýðsfélaganna í Reykjavík kemur til okkar og segir okkur frá helstu áherslum baráttudagsins í ár.

Sig­mar Guðmunds­son þingmaður Viðreisn­ar vakti at­hygli í Face­book-færslu í á því að Meðferðar­stöð SÁÁ í Vík myndi loka í sum­ar vegna fjár­skorts og að göngu­deild­in verði lokuð í sex vik­ur. Sigmar segir lok­un­ina skeyt­inga­leysi gagn­vart fólki með fíkni­sjúk­dóm því um sé að ræða ban­væn­an sjúk­dóm sem ekki í sum­ar­frí. Um þetta hefur verið rætt á þing i í dag og við heyrum í Sigmari um stöðu mála.

Leikfélag Sauðárkróks, sem er eitt elsta áhugamannaleikfélag á landinu setur nú upp verkið Litla hryllingsbúðin í leikstjórn Valgeirs Skagfjörð. Leikfélagið, var stofnað þann 13. apríl 1888, hefur yfir árin haldið nokkuð góðum velli, frumflutt sýningar af öllu tagi og helst tvær árlega. Samkvæmt hefð, í kringum Sæluviku Skagfirðinga að vori og svo aðra, helst barnasýningu að haustlagi. Við spyrjum Valgeir Skagfjörð um uppsetningu leikfélagsins og stemninguna í Skagafirði.

Frumflutt

30. apríl 2024

Aðgengilegt til

30. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.