Morgunútvarpið

Hátíðarlokan, áramótaveðrið og fyndið fólk

Ljósmyndarinn Haraldur Jónasson, best þekktur sem Hari, er sérfræðingur þegar kemur að því að útbúa samloku úr hátíðarmatnum, eitthvað sem hann segir jafnvel mikilvægara en máltíðin sjálf. Við heyrðum í Hara og fengum að vita hvernig gekk með jólalokuna og hvort það standi til að útbúa áramótaloku.

Nú reynir á veðrið sem aldrei fyrr. Siggi Stormur frá Veðri ehf. var á línunni og fræddi okkur um áramótaveðrið.

Grínistinn Kjartan Logi Sigurjónsson hefur verið áberandi á samfélagsmiðlum á árinu og fékk fyrir það viðurkenningu í Árinu með Gísla Marteini. Við fengum Kjartan Loga í heimsókn og fræddumst um manninn á bakvið grínið, sem hann á ekki langt að sækja enda sonur Sigurjóns Kjartanssonar.

Grínistinn og leikkonan Birna Rún Eiríksdóttir setti upp fyrstu uppistandssýninguna sína á árinu. Við fengum hana í heimsókn og fórum yfir árið hjá henni og forvitnuðumst auðvitað líka um hvað er framundan hjá þessari fyndnu konu.

Frumflutt

31. des. 2025

Aðgengilegt til

Rennur ekki út

• 00:10:04 Að útbúa samlokur úr hátíðamatnum
• 00:30:42 Hvernig spáir Siggi Stormur í áramótaveðrið
• 00:52:52 Kjartan Logi hefur vakið athygli á TikTok
• 01:14:33 Birna Rún mætti alveg bremsulaus

Morgunútvarpið vekur hlustendur með glóðvolgum fréttum og snarpri umfjöllun um samfélagsmál.