Morgunútvarpið

Skólameistari Borgarholtsskóla, gusuæði og hvað gera Danir betur?

Æskuvinkonurnar Ásdís Vala Freysdóttir sálfræðingur og Hjördís Hafsteinsdóttir talmeinafræðingur eru á bak við Orðablik, sem er frumkvöðlafyrirtæki sem ætlað er að efla málþroska barna og stuðla að gæðastundum með þeim. Nú hafa þær sent frá sér Jólablik, sem tvinnar saman jólasögu, samveru og dagatal fram að jólum. Í sögunni er fjölbreyttur orðaforði og á hverri opnu eru ákveðin orð tekin fyrir og útskýrð nánar með það að markmiði að efla orðaforða barna.

Hvernig tökum við á móti þeim upplýsingum vikunnar að við séum allt of þung og óhollustusöm án þess að fyllast skömm og bugast? Og það þegar að jólin eru framundan? Ragnhildur Þórðardóttir heilsusálfræðingur sagði okkur hvernig við skrúfum hausinn rétt á.

Gusuæði virðist hafa heltekið þjóðina en ásamt því að stunda gusurnar hópast fólk í sérstakt gusumeistaranám þar sem það kynnist töfraheimi sánagúsiðjunnar og lærir mikilvægan grunn til að leiða gusandi góða gusu. En hvað er gusa, hvaðan kom það og hver er munurinn á gusu og hefðbundinni sánu? Gusumeistarinn Vala Baldursdóttir leit við í Morgunútvarpinu en hún hefur ferðast víða og kennt fólki listina að gusa.

Ákvörðun Guðmundar Inga Kristinssonar menntamálaráðherra að framlengja ekki skipunartíma Ársæls Guðmundssonar sem skólameistara Borgarholtsskóla hefur verið talsvert umtöluð. Ársæll leit við hjá okkur í síðasta bolla þáttarins.

Frumflutt

4. des. 2025

Aðgengilegt til

Rennur ekki út

• 00:12:10 Jólablik -Hjördís Hafsteinsdóttir
• 00:27:30 Danir betri en við? Ragga Nagli
• 00:48:06 Gusuæði -Vala Baldursdóttir
• 01:09:20 Skipunartími ekki framlengdur -Ársæll Guðmundsson

Morgunútvarpið vekur hlustendur með glóðvolgum fréttum og snarpri umfjöllun um samfélagsmál.