Sigurður Þ. Ragnarsson, eða Siggi stormur eins og hann er gjarnan kallaður, jarð- og veðurfræðingur, verður gestur minn í upphafi þáttar þegar við ræðum einstaklega gott veður í vikunni og sumarið framundan.
Gunnar Birgisson, fréttamaður, verður á línunni frá Basel í Sviss þar sem fyrra undanúrslitakvöld Eurovision fer fram í kvöld og Væb-bræður stíga fyrstir á svið.
Brynhildur Pétursdóttir, framkvæmdastjóri Neytendasamtakanna, fer yfir hugmyndir umhverfisráðherra um að stemma stigu við innflutningi á vörum sem innihalda skaðleg efni og möguleg áhrif þess að neyslumynstur Íslendinga.
Það er líf á rafmyntamörkuðum þessa dagana. Kristján Ingi Mikaelsson, fjárfestir og einn stofnenda Visku Digital Assets, ræðir þau mál við mig.
Sævar Helgi Bragason, vísindasérfræðingur Morgunútvarpsins, fer yfir fréttir úr heimi vísindanna.
Bogi Nils Bogason, forstjóri Icelandair, verður gestur minn í lok þáttar þegar við ræðum stöðu félagsins, ferðaþjónustuna og sumarið framundan.
