Við töluðum við Samúel Samúelsson, stjórnarmann í knattspyrnudeild Vestra, um undirbúning fyrir sumarið en félagið leikur þá í efstu deild og er það í fyrsta skipti í fjörutíu ár sem Vestfirðingar eiga lið í efstu deild karla í fótbolta.
Jóga- og hugleiðslukennarinn Thelma Björk Jónsdóttir kíkti við hjá okkur til að ræða hvernig við getum hugað að núvitund og sálarró á þessum síðustu og verstu.
Undanfarna áratugi hafa styrkir til afreks-skákfólks verið með öðrum hætti en í afreksstarfi í öðrum greinum. Styrkurinn hefur eingöngu runnið til stórmeistara í formi fastra launa frá ríkinu. Mennta- og barnamálaráðuneytið hefur lagt til breytingar á þessu fyrirkomulagi. Gunnar Björnsson forseti Skáksambands Íslands kom til okkar í spjall um breytingarnar.
Tvö ár verða liðin frá innrás Rússa í Úkraínu á laugardag. Valur Gunnarsson, sagnfræðing, fór yfir stöðu stríðsins, og hvernig líklegt þyki að það þróist á næstu mánuðum.
Edda Elísabet Magnúsdóttir, lektor í líffræði og hvalasérfræðingur, ræddi við okkur um samskipti hvala og hvalasöng.
Fréttir vikunnar voru, eins og alla föstudaga, í lok þáttar. Við fengum Þórarinn Hjartarson, stjórnanda umtalaðasta hlaðvarpsþáttar vikunnar til okkar ásamt Ragnhildi Þrastardóttur blaðamanni á Heimildinni.
Tónlist:
FLOTT - Flott.
MUGISON - Sólin Er Komin.
YG Marley - Praise Jah In the Moonlight.
Sigur Rós - Við spilum endalaust.
ÚLFUR ÚLFUR - Þú hér.
Beyoncé - Texas Hold 'Em (Explicit).
