Þær breytingar urðu við skólabyrjun í unglingadeildum Reykjavíkurborgar að skóladeginum var seinkað og hefst kennsla nú í fyrsta lagi tíu mínútur í níu á morgnanna. Um er að ræða tilraunarverkefni til þriggja ára en verkefnið var samþykkt í borgarráði í lok síðasta árs. Það er byggt á rannsóknum sem Dr. Erla Björnsdóttir, svefnsérfræðingur stýrði. Rætt er við Erlu í Kastljósi kvöldsins og nemendur og kennara í Vogaskóla sem seinkuðu mætingu fyrir tveimur árum.

Þá er fjallað um kvikmyndina Ljósbrot og rætt við Bjarna Frímann Bjarnason hljómsveitarstjóra sem stýrir Klassíkinni okkar í ár.