Framhjáhald er ein algengasta ástæða skilnaðar eða sambúðarslita hér á landi og flest þekkjum við einhvern eða höfum sjálf reynslu af framhjáhaldi. Framhjáhald þrífst í starfsumhverfinu og tíðni þess eykst iðulega í kringum hátíðirnar enda mikið um vinnustaðagleðskap og aðra viðburði þar sem vín er oftar en ekki haft um hönd. Framhjáhald er umræðuefni Kastljóss í kvöld og gestir þáttarins eru Ragnhildur Bjarkadóttir, sálfræðingur hjá Auðnast, og Brynjar Már Brynjólfsson mannauðsstjóri Isavia og fyrrverandi formaður Mannauðs. Í lok þáttar kíkjum við á tökustað á Krakkaskaupinu og fáum að skyggnast á bak við tjöldin.