Háskólaráðherra hefur boðið sjálfstætt starfandi háskólum landsins leggja niður skólagjöld en fá í staðinn óskert framlög frá ríkinu. Listaháskóli Íslands hefur þegar tilkynnt um að skólagjöld verði lögð niður frá og með næsta hausti en þau geta hlaupið á fjórðu milljón króna fyrir nemendur í BA-námi. Áslaug Arna Sigurbjörnsdóttir, háskóla-, iðnaðar- og nýsköpunarráðherra er gestur Kastljóss í kvöld.

Ein kona tryggði metáhorf á ofurskál ameríska fótboltans í ár, 400% söluaukningu tiltekinnar liðstreyju og margföldun kvenkyns áhorfenda. Það er auðvitað Taylor Swift, tónlistarkona og kærasta leikmannsins Travis Kelsí. Þetta er bara nýjasti kaflinn í afrekasögu söngkonunnar, Kastljós kynnti sér hina kaflana og ræddi við tvær gallharðar Swiftur, sem hafa ólæknandi áhuga á söngkonunni.

Oft er sagt að lífið líki eftir listinni eða listin líki eftir lífinu. Sá líkindaleikur náði nýjum hæðum í ólíkindum nýverið þegar skúlptúr af snjófígúrum á bekk var reistur á Vetrarhátíð í Reykjavík. Athugull vegfarandi rak minni í ljósmynd sem hann tók af samskonar verki, á nákvæmlega sama stað, nema fyrir 13 árum síðan.