Það hefur mikið farið fyrir umræðu um fyrirhugaðar breytingar á einu vinsælasta útivistarsvæði landsins, Heiðmörk. Veitur eru með áform um að takmarka aðgang að Heiðmörk vegna vatnsverndar og banna bílaumferð á stóru svæði. Skógræktarfélag Reykjavíkur hefur gagnrýnt áformin og segja þau skerða möguleika til útivistar. Gestir Kastljóss eru Auður Kjartansdóttir framkvæmdastjóri Skóræktarfélags Reykjavíkur og Sólrún Kristjánsdóttir framkvæmdastýra Veitna.

Donald Trump Bandaríkjaforseti bannaði fyrir helgi Harvard-háskóla að taka við erlendum nemendum. Dómstólar hafa sett bráðabirgðabann á ákvörðunina en í framhaldinu lét forsetinn kné fylgja kviði og fyrirskipaði öllum alríkisstofnunum að rifta samningum sínum við skólann. Við ræðum við Gunnhildi Fríðu Hallgrímsdóttur sem er að útskrifast frá Harvard.

Tónlistarmaðurinn Högni Egilsson stendur í stórræðum þessi misserin. Hann semur tónlist fyrir kvikmyndir Baltasars Kormáks og flyst í haust búferlum með fjölskyldu sinni til Los Angeles. Við heimsækjum hann í lok þáttar.