Umræða um vanlíðan ungmenna og barna, og hörku og ofbeldi í samskiptum þeirra, hefur verið hávær að undanförnu. Þetta samsvarar niðurstöðum nýrrar rannsóknar sem unnin var undir forystu Háskólans í Reykjavík á geðheilsu íslenskra ungmenna eftir covid-faraldurinn. Niðurstöðurnar sýna að andleg líðan íslenskra ungmenna er ekki enn komin í eðlilegt horf eftir covid. Gestur Kastljóss er Þórhildur Halldórsdóttir, dósent í sálfræði við Háskólann í Reykjavík og klínískur barnasálfræðingur.

Hvernig heldur maður áfram með lífið eftir að maður missir það dýrmætasta sem maður á? Í stuttmyndinni Uppskrift: líf eftir dauðann reynir Bergþóra Björnsdóttir að svara því hvernig hún náði að halda áfram eftir að dóttir hennar lést aðeins 16 mánaða. Viktoría Hermannsdóttir settist niður með Bergþóru sem fékk Edduverðlaun fyrir myndina sína í fyrra.

Við Oddeyrargötu á Akureyri er hús sem lætur ekki mikið yfir sér. En við nánari skoðun kemur í ljós ævintýraheimur. Óðinn Svan kíkt í garðinn.