Kona sem varð fyrir lífshættulegri líkamsárás af hendi fyrrum sambýlismanns síns í október segir kerfið hafa brugðist sér í aðdraganda árásarinnar. Maðurinn ofsótti hana mánuðum saman og beiðni um nálgunarbann var hafnað daginn sem árásin átti sér stað. Framkvæmdastýra Kvennaathvarfsins segir ofbeldi í nánu sambandi dauðans alvara og mikilvægt sé að viðbragðsaðilar séu undirbúnir og geti brugðist rétt við.