Við fengum Kára Sverris, ljósmyndara, í þáttinn í dag til að segja okkur frá nýju verkefni þar sem hann er að auglýsa eftir þáttakendum í. Eftir að hafa verið tískuljósmyndari í fjölda ára og tekið myndir fyrir fræg fyrirtæki og tímarit þá ákvað hann að fara í nýja átt þar sem hann hugsar ekki um staðlaðar útlitsímyndir heldur leitar hann að því hvað gerir fólk hamingjusamt og ætlar að reyna að fanga það á mynd. Kári útskýrði þetta betur fyrir okkur í þættinum.
Ása Baldursdóttir kom svo til okkar í dag, eins og síðustu sumur, og sagði okkur frá áhugaverðum hlaðvörpum og jafnvel líka einhverju til að horfa á þegar til dæmis viðrar ekki vel til útivistar. Í dag fjallaði Ása um hið afar vinsæla hlaðvarp If Books Could Kill, ástarblekkingar í hlaðvarpinu Love, Janessa og vandræði í einu dramatískasta eldhúsi sem nokkur hefur stigið fæti inn í, sem sagt í sjónvarpsþáttaröðinni The Bear.
Við skruppum svo suður í Kópavog í góða veðrinu og töluðum við Soffíu Karlsdóttur, forstöðukonu menningarmála í Kópavogi. Nú stendur yfir hugmyndasamkeppni sem allir Kópavogsbúar geta tekið þátt í en hún snýst um að fá hugmyndir um nýtingu á torgum og svæðum í miðbænum. Hvað er sniðugt að setja þarna og hvað vantar?
Svo var fugl dagsins auðvitað á sínum stað eftir fyrsta lag.
Tónlist í þættinum:
Á Mallorca / South River Band (Ólafur Þórðarson og Helgi Þór Ingason)
Bad Moon Rising / Creedence Clearwater Revivial (John Fogerty)
Sumarvísa / Þorgerður Ása (Mats Poulson og Iðunn Steinsdóttir)
You Keep Me Hanging On / Supremes (Brian Holland, Eddie Holland & Lamont Dozier)
UMSJÓN: GUNNAR HANSSON OG GUÐRÚN GUNNARSDÓTTIR
