Páll Ásgeir Ásgeirsson útivistafrömuður var með okkur í dag, eins og aðra þriðjudaga í sumar og gaf góð ráð í sambandi við útivist, gönguferðir og ferðalög um landið. Hann hefur undanfarið farið sólarhringinn í kringum landið og unnið sig í gegnum landshlutana og í dag var komið að Austurlandi. Páll Ásgeir sagði okkur frá áhugaverðum stöðum fyrir austan og þar er auðvitað af nógu að taka.
Safn vikunnar í þetta sinn var Tækniminjasafn Austurlands, sem er til húsa á Seyðisfirði. Elfa Hlín Sigrúnar- Pétursdóttir, safnstjóri, var á línunni og sagði okkur frá því helsta sem þar er á döfinni, meðal annars sýningunni Búðareyri - saga umbreytinga í Vélsmiðjunni, útisýningu í Hafnargarðinum sem segir frá störfum kvenna á Seyðisfirði og bygging og hönnun á nýju safni svo eitthvað sé nefnt. En Elfa sagði okkur betur frá þessu í viðtalinu.
Fugl dagsins var svo auðvitað á sínum stað.
Tónlist í þættinum í dag:
Traustur vinur / Upplyfting (Jóhann G. Jóhannsson)
Vegbúi / Una Torfa og Elín Hall (Kristján Kristjánsson)
Farmers Market / Pulp (Andrew Mckinney, Candida Doyle, Emma Smith, Jarvis Cocker, Jason Buckle, Mark Webber & Nick Banks)
Kósíkvöld í kvöld / Baggalútur (Bragi Valdimar Skúlason)
UMSJÓN: GUNNAR HANSSON