Rokkland

Á ferð um rætur rytmans í Nashville - Clarksdale og Nashville með Gulla og Finnboga

Í Rokklandi vikunnar förum við í ferðalag að rótum rythmans með tveimur gömlum vinum og tónlistaráhugamönnum sem hafa safnað músík – plötum og diskum síðan þeir voru börn – eiga óheyrilegt magn af plötum – hafa klikkaðan áhuga á músík – og annar þeirra á græjum lika – hljómflutningstækjum – og báðir safna þeir fyrst og fremst geisladiskum – segja að það sé besta formatið og sándið.

Þetta eru þeir Finnbogi Marinósson og Gunnlaugur Sigfússon sem eiga það líka sameiginlegt að hafa gert þætti fyrir Rás 2. Gulli gerði 4 þætti um sögu Stax útgáfunnar í Memphis í fyrra og var þar áður í Plötuskápnum á föstudagskvöldum. Finnbogi leysti Gest Einar jónasson stundum af á sínum tíma með Hvíta máva.

Þeir Finnbogi og Gulli fóru í ferð til USA – músíkferð – að Rótum rytmans. Þeir ferðuðust gegnum 12 af ríkjum bandaríkjunum - keyrðu c.a. 5800 km á 20 dögum og viðkomustaðir voru:

Suður Karólína - Georgía - Norður Karólina - Alabama - Tennessee - Mississippi - Kentucky - Ohio - Michigan - Illinois - Wisconsin - Minnesota.

Þeir Gulli og Finnbogi segja frá í Rokklandi -

Frumflutt

1. júní 2025

Aðgengilegt til

Rennur ekki út

Rokkland er músík-magasín í útvarpi! Þar er fjallað um tónlist líðandi stundar, sögur sagðar af hljómsveitum og tónlistarmönnum og spjallað við óþekkta sem heimsþekkta tónlistarmenn. Þátturinn er aldursforseti Rásar 2 og hefur verið í loftinu í áratugi.

Umsjónarmaður er Ólafur Páll Gunnarsson