Kastljós

Verkföll BSRB, meindýraeyðafjölskylda, Sigga Soffía

Verkföll BSRB halda áfram í þessari viku og ná til fleiri sveitarfélaga en áður. Enn virðist bera nokkuð á milli deiluaðila, einkum krafa BSRB um að launahækkanir verði afturvirkar til 1. janúar. Rætt við Sonju Ýr Þorbergsdóttur, formann BSRB.

Reglulega fáum við fréttir af meindýrum sem skjóta upp kollinum fólki til lítillar gleði. Rottur, mýs, köngulær, veggjalús og ýmiss önnur kvikindi eru þó hugarefni meindýraeyðafjölskyldu þar sem hver hefur sitt sérsvið eins og Kastljós komst að þegar rætt var við þau um meindýr, heimspeki og lífið sjálft.

Til hamingju með að vera mannleg nefnist ný ljóðabók og danssýning sem sýnd hefur verið á stóra sviði Þjóðleikhússins undanfarið. Þar gerir Sigríður Soffía Níelsdóttir upp krabbameinsmeðferð sem hún gekk í gegnum fyrir nokkrum árum og sneri lífi hennar á hvolf. Bergsteinn ræddi við Sigríði Soffíu.