Kastljós

Knattspyrna og jafnrétti, hrun á bréfum í Alvotech,

Leikmenn munu bera fjólublá armbönd í leik meistara meistaranna í knattspyrnu kvenna í kvöld, Valur-Stjarnan, til þess að sýna samstöðu í jafnréttisbarátttu. Knattspyrnukonur hafa undanfarna daga gagnrýnt Íslenskan toppfótbolta fyrir það hve hallaði á konur í nýlegri auglýsingu fyrir deildirnar, en ÍTF eru hagsmunasamtök þeirra félaga sem reka lið í tveimur efstu deildum í knattspyrnu karla og kvenna. Við ræddum við knattspyrnukonurnar Önnu Þorsteinsdóttur og Írisi Dögg Gunnarsdóttur.

Hlutabréf í íslenska lyfjafyrirtækinu Alvotech hafa fallið um þriðjung frá því á fimmtudag þegar tilkynnt var um lyfjastofnun Bandaríkjanna gæti ekki veitt fyrirtækinu markaðsleyfi að svo stöddu fyrir lyfjahliðstæðu gigtarlyfsins Humira. Hörður Ægisson, ritstjóri Innherja kom í Kastljós.

Dularfull skrift, fjöll og leikur með tíma eru höfuðeinkenni myndlistar- og pípulagningamannsins Jóhanns S. Halldórssonar sem sýnir nú verk sín undir yfirskriftinni Ritaðar myndir. Við ræddum við Jóhann.