Starfsfólk Listasafns Íslands liggur ekki í ládeyðu þrátt fyrir hásumartíma því boðið er upp á þrælskemmtilegar og forvitnilegar sýningar sem vert er að skoða og svo alls konar námskeið og aktivitet fyrir börnin. Listasafnið er því tilvalinn staður fyrir fjölskyldur að heimsækja saman. Og í kvöld er Fimmtudagurinn langi svokallaður en starfsfólk safnsins hefur, síðasta fimmtudag hvers mánaðar, boðið gestum upp á alls konar dagskrá en núna í kvöld er safnið opið til 22:00 og ókeypis aðgangur er í ofanálag eftir kl. 17:00! Dorothee Kirch er markaðs- og þróunarstjóri safnsins og hún sagði okkur frá lífinu á listasafninu á sumrin.
Norræn vistræktarhátíð er haldin í Kirkjulækjarkoti í Fljótshlíð í næstu viku þar sem náttúrubörn, umhverfissinnar og vistræktaráhugafólk geta fundið eitthvað við sitt hæfi. Og sömuleiðis fólk sem er forvitið um þennan lífstíl. Norræna vistræktarhátíðin hefur verið haldin á Norðurlöndunum frá árinu 2011 og verður haldin hér á landi í ár, og í annað sinn sem það er gert. Hildur Dagbjört Arnardóttir er leiðbeinandi í vistrækt, hefur tileinkað sér þann lífstíl, notað og kennt á Íslandi í nokkur ár og verður ein þeirra sem verður með vinnustofu á hátíðinni. Við spurðum hana um vistrækt, hvað það sé eiginlega og hvað verði í boði á vistræktarhátíðinni.
Svo voru þessi umfjöllunarefni dagsins blönduð saman með dýrindis tónlistarkokkteil:
AMABADAMA - AI AI AI
HOZIER - Too sweet
LJÓTU HÁLFVITARNIR - Hættissuvæli
LOVIN' SPOONFUL - Daydream
MOSES HIGHTOWER, FRIÐRIK DÓR - Bekkjarmót og jarðarfarir
Á MÓTI SÓL - Okkur líður samt vel
BLONDIE - Heart Of Glass
THE CLASH - Im not down
BÍTLAVINAFÉLAGIÐ - Alveg orðlaus
ZOMBIES - She's Not There
BRÍET - Wreck Me
ELVAR - Miklu betri einn
SCISSOR SISTERS - Take your mama
PET SHOP BOYS - Suburbia
THE PRETENDERS - Back On The Chain Gang
EMMSJÉ GAUTI, KRÓLI - 10 þúsund
SOMBR- Undressed
STEED LORD - Curtain Call