Orð af orði

Skrítin og skemmtileg lýsingarorð

Lýsingarorð lýsa eiginleikum hluta, vera og hugmynda og standa oft sem ákvæðisorð með nafnorðum. Því mætti ætla að þau væru almennt gagnsæ en það eru þau alls ekki alltaf.

Algeng lýsingarorð sem tengjast ákveðnum eiginleikum eru gagnsæ, eða að minnsta kosti með nokkuð augljósa merkingu.

Gömul og fátíð lýsingarorð hafa ekki alltaf augljósa merkingu og skilningur á því hvað þau merkja getur verið mismunandi frá einum til annars.

Nokkur fátíð lýsingarorð eru tekin fyrir í þessum þætti og skoðað hvaða skilning fólk leggur í þau.