Við sjáum hluti misskýrt fyrir okkur og eigum reyndar misgott með að sjá fyrir okkur hluti.
Ímyndum okkur epli – margir hlustendur sjá eflaust fyrir sér rauðan og girnilegan ávöxtinn en sumir eiga í vandræðum með að kalla fram mynd af epli í huganum.
Íslenskir vísindamenn hafa þróað leið til að skilja betur hvers vegna fólk á í vandræðum með að kalla fram hugsýnir. Heiða María Sigurðardóttir prófessor við Háskóla Íslands og Árni Gunnar Ásgeirsson dósent við Háskólann á Akureyri sögðu frá.
Arthúr Björgvin Bollason sagði meðal annars frá mótmælum í Þýskalandi um helgina, það sauð upp úr í að minnsta kosti tveimur borgum, og sagði sögur frá eyjunni Krít.
Þó að einkabílar séu enn lang algengasti ferðamátinn á höfuðborgarsvæðinu væri þriðji hver ökumaður til í að komast með öðrum hætti í vinnuna. Það eru þó ýmsar hindranir í veginum fyrir því. Við töluðum um ferðavenjur í síðasta hluta þáttarins, Lilja G. Karlsdóttir samgönguverkfræðingur kom til okkar.
Tónlist:
Tommy Dorsey and his Orchestra, Frank Sinatra - Night and day.
Lee Hazlewood og Nancy Sinatra - Summer wine.
Spilverk þjóðanna - Aksjónmaður.
Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.
