16:05
Síðdegisútvarpið
Lag Hinsegin daga, berjaspretta, Kamarfest og gul viðvörun
Síðdegisútvarpið

Þau Sigríður Elva Vilhjálmsdóttir og Rúnar Róbertsson halda landanum vel upplýstum um menn og málefni á leið úr vinnu í sumar. Þau fylgjast vel með fréttum og dægurmálum og spila nóg af góðri tónlist.

Það lítur út fyrir prýðilega berjasprettu um land allt og styttist í að hægt verði að byrja að tína. Við fengum berjasérfræðinginn Svein Rúnar Hauksson til að fara með okkur yfir berjasumarið.

Og Síðdegisútvarpið fékk þann heiður að frumflytja lag Hinsegin daga í ár. Lagið heitir Öðruvísi og er er flutt Torfa Tómassyni. Hinsegin dagar hefjast strax eftir verslunarmannahelgina. Þeir Alexander Aron Guðjónsson, meðstjórnandi Hinsegin daga í Reykjavík og Torfi Tómasson, tónlistarmaður mættu til okkar með lagið.

Og við heyrðum í Jón­asi Guðbirni Jóns­syni, formanni Þjóðhátíðar­nefnd­ar í Eyjum, og tókum stöðuna á Þjóðhátíð í Eyjum.

Friðgeir Kristjánsson, landvörður í Lónsöræfum, er landvörður vikunnar. Við ræddum við hann um landvörslu á svæðinu og þá stendur hann fyrir árlegu listahátíðinni Kamarfest sem verður haldin núna í annað sinn um verslunarmannahelgina í Lónsöræfum.

Gul viðvörun hefur verið gefin út fyrir Suðurland annað kvöld, en í tilkynningu frá veðurstofunni fyrr í dag var fólk hvatt til að huga að lausamunum, en tjöld geti fokið og vindkviður við fjöll geti orðið varasamar ökutækjum sem taka á sig vind. Óli Þór Árnason veðurfræðingur fór yfir veðrið framundan með okkur.

Og eitt af krefjandi fjallahlaupum ársins, Súlur Vertical, fer fram nú um helgina á Eyjafjarðarsvæðinu. Ein brautin, Gyðjan, er 100 km fjallahlaup með um 1400 metra hækkun. Krefjandi hlaup en á flestra færi með góðum undirbúningi segja þau. Birkir Baldvinsson sagði okkur meira af þessu fjölmenna hlaupi.

Aðgengilegt til: Rennur ekki út.
Lengd: 1 klst. 52 mín.
  • Ríkisútvarpið
  • Efstaleiti 1, 103 Reykjavík
  • Sími: 515-3000
  • © RÚV
,