Það stenst ekki skoðun verðlag á Íslandi sé í hæsta móti í Evrópu vegna hárra launa, segir Stefán Ólafsson, fyrrverandi prófessor og sérfræðingur hjá Eflingu. Þegar allt komi til alls sé Ísland mun neðar á lista yfir launakostnað fyrirtækja en yfir verðlag eftir löndum. Anna Hrefna Ingimundardóttir, aðstoðarframkvæmdastjóri Samtaka atvinnulífsins, er á algjörlega öndverðu máli og segir tölfræðina sýna að launakostnaðir fyrirtækja sé með því hærra sem þekkist í álfunni. Stefán og Anna Hrefna eru gestir Kastljóss.

35 einstaklingar með fíknivanda hafa látist það sem af er ári. Valgerður Rúnarsdóttir, yfirlæknir á Vogi, óttast að metfjöldi fólks með fíknivanda deyi á árinu og heilbrigðisráðherra vill skera upp herör gegn ópíóðafaraldrinum. Við ræddum við Valgerði.

Menningarhátíðin Meyjamáttur var haldin á Eyrarbakka á dögunum. Kastljós var á staðnum.