Bæn og hugleiðing að morgni dags.

Séra Hjalti Jón Sverrisson flytur morgunbæn og orð dagsins.

Útvarpsfréttir.

Hvort sem þú ætlar að fara á fætur eða sofa áfram setur Pétur Grétarsson á fóninn tónlist úr ýmsum áttum.

Lagalisti:

Cole, Cozy, Shaw, Artie, McDonough, Dick, Berigan, Bunny, Holiday, Billie and Her Orchestra, Holiday, Billie, Peterson, Pete - Summertime.

Savanna tríóið - Hvað skal með sjómann?.

Þorvaldur Halldórsson - Á sjó.

Steely Dan - Dirty work.

Lito Barrientos - Cumbia en do menor.

Redman, Joshua, Cavassa, Gabrielle - Where Are You?.

Júníus Meyvant - Believer.

Horowitz, Vladimir - Weinen, klagen, sorgen, zagen.

Pires, Maria João - Allegretto in C minor D 915 [1827].

Tolentino, Ife - Inverno Fora de Tempo.

Sextett Ólafs Gauks - Bjartar vonir vakna.

Útvarpsfréttir.

Fréttaþáttur á samtengdum rásum þar sem teknar eru fyrir helstu fréttir dagsins.

Umsjón: Helgi Seljan og Vera Illugadóttir.

Keir Starmer forsætisráðherra Bretlands tilkynnti í gær að Bretar ætli að viðurkenna Palestínu sem sjálfstætt ríki í september, nema Ísraelar samþykki langvarandi vopnahlé með tveggja ríkja lausn að leiðarljósi. Bresk stjórnvöld hafa lengi verið öflugir bakhjarlar Ísraelsríkis en tilkynning Starmers kemur meðal annars í kjölfar þess að stjórnvöld í Frakklandi tilkynntu að þau ætli að viðurkenna Palestínu í haust. Ingibjörg Þórðardóttir, blaðamaður búsett í Lundúnum, fór yfir þessi mál.

Heimsókn Ursulu Von Der Leyen forseta framkvæmdastjórnar Evrópusambandsins, hleypti heldur betur upp íslenskri pólitík fyrir rúmri viku. Ummæli hennar þess efnis að aðildarumsókn Íslands væri einungis í dvala en hefði aldrei verið afturkölluð, kom þingmönnum stjórnarandstöðunnar í opna skjöldu. Guðlaugur Þór Þórðarson, fyrrverandi utanríkisráðherra, kvaðst til að mynda koma af fjöllum og hefur sagt ESB hafa blekkt Íslendinga. Guðlaugur Þór var gestur Morgungluggans.

Tónlist:

Mad World - Tears for Fears

Útvarpsfréttir.

Gestur úr öllum kimum þjóðfélagsins deila sögu sinni með hlustendum. Umsjón: Viktoría Hermannsdóttir

Þegar Patrik Atlason var lítill ætlaði hann að verða betri en pabbi sinn í fótbolta. Þegar það gekk ekki eftir sneri hann sér alfarið að tónlistinni og það hefur heldur betur skilað sér enda er hann einn vinsælasti tónlistarmaður landsins í dag. Hann reynir ekki að fela hvaðan hann kemur og segist hafa fengið meira en margir aðrir. Hann ræðir lífið, ferilinn og áfallið sem mótaði fjölskylduna þegar frændi hans var myrtur.

Umsjón: Halldóra Björnsdóttir.

Útvarpsfréttir.

Veðurstofa Íslands.

Umsjón: Kristján Kristjánsson.

Útvarpsfréttir.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Elín Þóra Rafnsdóttir myndlistarkona átti sér stóra drauma um að ná langt í myndlistinni þegar hún lauk listnámi í Kaupmannahöfn í byrjun níunda áratugarins en hún lagði listina á hilluna í 18 ár meðal annars vegna barnauppeldis og brauðstrits. Hún snéri sér hins vegar aftur að myndlistinni og stundar hana nú af miklum krafti þegar hún stendur á sjötugu. Helga Arnardóttir ræddi við Elínu um gleðina við að fara á eftirlaun og hvernig hún fann listræna þráðinn á ný en hún hefur dvalið í heilan mánuð í Herhúsinu á Siglufirði, gestavinnustofu fyrir listamenn, og heldur þar einmitt sýningu á verkum sínum í dag milli fjögur og sex.

Svo kom Ása Baldursdóttir til okkar í dag og sagði okkur frá áhugaverðu efni til að hlusta eða horfa á. Í dag fjallaði Ása um óhugnalegt glæpahlaðvarp sem segir frá eldri konum sem eru ekki allar þar sem þær eru séðar. Svo sagði hún frá hlaðvarpinu Bad Therapist þar sem fólk segir frá reynslu sinni af lélegum meðferðaraðilum og að lokum heyrðum við af sjónvarpsþáttaröð, læknadrama sem gerist til dæmis á 15 klukkutíma vakt á bráðamóttöku og mörgu fleiru.

Fugl dagsins var svo auðvitað á sínum stað.

Tónlist í þættinum í dag:

Þá var auðna og yndi / Þau (Rakel Björk Björnsdóttir og Garðar Borgþórsson, texti Tómas Guðmundsson.

Mississippi / The Cactus Blossoms (Torrey)

Lukta-Gvendur / Björk Guðmundsdóttir og Tríó Guðmundar Ingólfssonar (Nat Simon, texti Eiríkur Karl Eiríksson)

Sunday Morning / Velvet Underground (Lou Reed & John Cale)

UMSJÓN: GUNNAR HANSSON OG GUÐRÚN HÁLFDÁNARDÓTTIR

Dánarfregnir.

Útvarpsfréttir.

Íslenskt lag eða tónverk.

Útvarpsfréttir.

Jarðskjálfti af stærðinni átta komma átta varð úti fyrir Kamtsjatka-skaga í Rússlandi í nótt. Þetta er einn öflugasti skjálfti sem mælst hefur. Flóðbylgjuviðvaranir voru gefnar út í fjölda Kyrrahafsríkja og milljónum gert að forða sér.

Sendiherra Íslands í Japan segir að búast megi við flóðbylgjum þar á hverri stundu en þær verði líklega ekki stórar. Japanar taki þessu með ró.

Stjórnvöldum var kunnugt um að aðildarumsókn Íslands að Evrópusambandinu var ekki afturkölluð með skýrum hætti. Það kemur fram í óútgefinni skýrslu um stöðuna í aðildarviðræðunum. Skýrslan var skrifuð 2018, þegar Guðlaugur Þór Þórðarsón var utanríkisráðherra.

Rúmlega sex þúsund tonn af eldislaxi drápust í sjókvíum fyrstu sex mánuði ársins. Aldrei hafa fleiri laxar drepist á svo stuttum tíma.

Gistinóttum á hótelum fjölgaði í júní í öllum landshlutum en mest á Vesturlandi, Vestfjörðum og Austurlandi. Erlendum ferðamönnum fjölgaði en Íslendingum fækkaði frá sama tíma í fyrra.

Bandaríkjaforseti segist hafa skorið á öll samskipti við kynferðisbrotamanninn Jeffrey Epstein eftir að hann réði til sín starfsfólk úr heilsulind golfklúbbs Trumps. Óralangt sé síðan þeir höfðu nokkuð saman að sælda.

Tvær vikur eru frá því að eldgos hófst á Sundhnúksgígaröðinni. Gosvirkni er stöðug og náttúruvársérfræðingur á Veðurstofunni biður fólk vinsamlegast um að „príla ekki á nýstorknuðu hrauni.“

Evrópska knattspyrnusambandið sér fram á minnst 2,8 milljarða króna tap á Evrópumóti kvenna í fótbolta sem lauk á sunnudaginn, þrátt fyrir metfjölda áhorfenda.

Þættir þar sem sagt er frá ýmsum stöðum um allt land. Stöðum sem eiga sér sérstakt pláss í hjörtum viðmælenda.

Umsjón: Gígja Hólmgeirsdóttir.

Áskell Heiðar Ásgeirsson, lektor við ferðamáladeild Háskólans á Hólum, segir frá stað í grennd við heimaslóðir hans á Borgarfirði eystri, sem heimafólk kallar Víkur en er einnig þekktur sem Víknaslóðir.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón með Hljóðrás ævi minnar hefur Ísólfur Gylfi Pálmason.

Útvarpsfréttir.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Tónlist frá útsendingarlogg 2024-04-03

Johnson, Robert - Cross road blues (take 1).

Ingibjörg Elsa Turchi - Tímabundið.

Kristjana Stefánsdóttir - Bye, bye blackbird.

Botschinsky, Allan, Zetterlund, Monica - Love for sale.

Sunna Gunnlaugsdóttir - Sound of summer.

Henriksen, Arve, Fraanje, Harmen - Melancholia.

Williams, Leroy, Thielemans, Toots, Erskine, Peter, Thomas, Bobby, Hancock, Herbie, Molineaux, Othello, Pastorius, Jaco - Liberty city.

Green, Freddie, Young, Snooky, Foster, Frank, Cohen, Sonny, Coker, Henry, Grey, Al, Count Basie and his Orchestra, Payne, Sonny, Mitchell, Billy, Basie, Count, Fowlkes, Charlie, Newman, Joe, Jones, Eddie, Jones, Thad, Powell, Benny, Wess, Frank, Royal, Marshall, Williams, Joe - Trav'lin' light.

Mintzer, Bob, Stórsveit Reykjavíkur, Jóel Pálsson - Spirit of Iceland.

Sigurður Flosason, Legardh, Cathrine - Min stilhed og min storm.

Bivens, Cliff, Campbell, Dave, James, Elmore, Wilkins, Joe, Williamson, Sonny Boy, O'Dell, Frock - Eyesight to the blind.

James, Elmore - Goodbye baby.

Útvarpsfréttir.

Í þættinum er leikin kórtónlist með Karlakór Reykjavíkur og Árnesingakórnum, kvartettútsetningar fyrir Einsöngvarakvartettinn og einsöngslög með Kristni Hallssyni, Rannveigu Fríðu Bragadóttur og Sigurði Bragasyni.

Leikin eru tvö brot úr viðtali við Jónas Bjarnason, sem segir frá harðindum og hremmingu frá æskuárum sínum um og eftir 1880. Björn Bergman ræddi við Jónas þegar hann var 94 ára.

Umsjón hefur Jónatan Garðarsson.

(Áður á dagskrá 1998)

Útvarpsfréttir.

Í Tengivagninum er fjallað um það helsta sem er að gerast í menningu í sumar.

Útvarpsfréttir.

Fréttir

Fréttir

Ríkislögreglustjóri segir skipulagða glæpastarfsemi síður en svo á undanhaldi á Íslandi og að gengjum fari fjölgandi.

Hjálparsamtök segja þörf á margfalt meiri hjálpargögnum til Gaza en nú er flutt þangað.

Fyrrverandi utanríkisráðherra segir miður að forseti framkvæmdastjórnar Evrópusambandsins hafi ekki fullvissað Íslendinga um að ástæðulaust væri að hafa áhyggjur af verndartollum, í nýafstaðinni heimsókn sinni til landsins.

Arion banki hagnaðist um nærri tíu milljarða á öðrum ársfjórðungi, og samtals um sextán milljarða á fyrri hluta árs.

Lögreglan á Suðurnesjum hjálpaði fólki niður af hraunbreiðunni við gosstöðvarnar á Reykjanesskaga í dag. Ítrekað hefur verið varað við því að ganga á nýju og nýlegu hrauni.

Yfirvöld í Póllandi hafa heimilað uppgröft á gömlu hersvæði nasista í landinu. Talið er að gull og gersemar sem nasistar tóku ófrjálsri hendi leynist þar í gömlu byrgi.

Umsjón: Ásrún Brynja Ingvarsdóttir og Ævar Örn Jósepsson

Tæknimaður: Kormákur Marðarson

Stjórn útsendingar: Védís Kalmansdóttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Á nýafstaðinni ráðstefnu Sameinuðu þjóðanna um svokallaða tveggja ríkja lausn til að binda enda á áratuga blóðug átök Ísraela og Palestínumanna sagði aðalframkvæmdastjóri samtakanna, Antonio Guterres, að hún væri það eina sem gæti tryggt frið og öryggi þjóðanna tveggja - en um leið fjarlægari en nokkru sinni fyrr. Ólöf Ragnarsdóttir spurði Magnús Þorkel Bernharðsson, prófessor í nútímasögu Miðausturlanda hvort þessi margumtalaða lausn sé yfirleitt enn möguleg.

Umsjón: Ævar Örn Jósepsson

Tæknimaður: Kormákur Marðarson

Eitt og annað úr safni Útvarps. Tónlist eða talað mál.

Spennum beltin og ferðumst hringinn með KrakkaRÚV! Stórskemmtilegir fjölskylduþættir fyrir ferðalanga á ferð um Ísland. Þjóðsögur og ævintýri, bílaleikir, fróðleiksmolar og sögur frá krökkum á öllum aldri. Í hverjum þætti er spurningakeppni þar sem kemur í ljós hvaða fjölskyldumeðlimur veit mest um Ísland...nú eða hlustaði best á þáttinn!

Umsjón: Ingibjörg Fríða Helgadóttir og Jóhannes Ólafsson.

Í þessum þætti ferðumst við um Norðvesturland, frá miðjum Tröllaskaga og að Hrútafirði. Sérfræðingar þáttarins koma frá sitthvoru bæjarfélaginu á Norðvesturlandi, en það eru þau Anton frá Skagaströnd og Valdís Freyja frá Hvammstanga. Þau segja okkur frá alls kyns skemmtilegum og áhugaverðum stöðum til að heimsækja á ferð um svæðið. Þjóðsaga þáttarins fjallar um svarta og loðna krumlu sem á að skjótast út úr berginu í Drangey í Skagafirði og skera á reipin hjá þeim sem þar voga sér að klifra. Við ráðleggjum ykkur að passa ykkur á krumlunni og hlusta líka vel eftir áhugaverðum staðreyndum í þættinum því það gæti komið sér vel í spurningakeppninni í lokin!

Veðurfregnir kl. 18:50.

Dánarfregnir.

Tónleikahljóðritanir með innlendum og erlendum flytjendum.

Hljóðritun frá tónleikum Sinfóníuhljómsveitar Bæverska útvarpsins sem fram fóru í Herkúlesarsalnum í München í október í fyrra.

Á efnisskrá eru verk eftir Manuel de Falla, Igor Stravinskíj, Osvaldo Golijov og Leonard Bernstein.

Einsöngvari: Rinat Shaham messósópran.

Einleikarar: Píanóleikararnir Katia og Marielle Labèque, klarínettuleikararnir Christopher Patric Corbett og Stefan Schilling, og slagverksleikararnir Raphaël Séguinier og Conzalo Grau.

Stjórnandi: Simon Rattle.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón með Hljóðrás ævi minnar hefur Ísólfur Gylfi Pálmason.

Skáldsaga Thors Vilhjálmssonar - Óp bjöllunnar - kom út árið 1970.

Höfundur las söguna fyrir útvarpið árið 1981

Veðurfregnir kl. 22:05.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Elín Þóra Rafnsdóttir myndlistarkona átti sér stóra drauma um að ná langt í myndlistinni þegar hún lauk listnámi í Kaupmannahöfn í byrjun níunda áratugarins en hún lagði listina á hilluna í 18 ár meðal annars vegna barnauppeldis og brauðstrits. Hún snéri sér hins vegar aftur að myndlistinni og stundar hana nú af miklum krafti þegar hún stendur á sjötugu. Helga Arnardóttir ræddi við Elínu um gleðina við að fara á eftirlaun og hvernig hún fann listræna þráðinn á ný en hún hefur dvalið í heilan mánuð í Herhúsinu á Siglufirði, gestavinnustofu fyrir listamenn, og heldur þar einmitt sýningu á verkum sínum í dag milli fjögur og sex.

Svo kom Ása Baldursdóttir til okkar í dag og sagði okkur frá áhugaverðu efni til að hlusta eða horfa á. Í dag fjallaði Ása um óhugnalegt glæpahlaðvarp sem segir frá eldri konum sem eru ekki allar þar sem þær eru séðar. Svo sagði hún frá hlaðvarpinu Bad Therapist þar sem fólk segir frá reynslu sinni af lélegum meðferðaraðilum og að lokum heyrðum við af sjónvarpsþáttaröð, læknadrama sem gerist til dæmis á 15 klukkutíma vakt á bráðamóttöku og mörgu fleiru.

Fugl dagsins var svo auðvitað á sínum stað.

Tónlist í þættinum í dag:

Þá var auðna og yndi / Þau (Rakel Björk Björnsdóttir og Garðar Borgþórsson, texti Tómas Guðmundsson.

Mississippi / The Cactus Blossoms (Torrey)

Lukta-Gvendur / Björk Guðmundsdóttir og Tríó Guðmundar Ingólfssonar (Nat Simon, texti Eiríkur Karl Eiríksson)

Sunday Morning / Velvet Underground (Lou Reed & John Cale)

UMSJÓN: GUNNAR HANSSON OG GUÐRÚN HÁLFDÁNARDÓTTIR

Tónlistarþættir Péturs Grétarssonar frá árinu 2011