Plata vikunnar

Krummi - Scavenger of Hope

Krummi Björgvinsson mætir í Plötu vikunnar með breiðskífuna Scavenger of Hope. Í spjalli sínu við Danna rekur Krummi tónlistarlega þróun sína allt frá dögum harðkjarnasveitarinnar Mínus og ferðalagið sem leiddi hann inn í þann hljóðheim sem einkennir sólóferil hans í dag. Þeir ræða einnig það langa ferli sem tók að klára plötuna og koma henni loksins út, áður en hún fær að hljóma í heild sinni þar sem Krummi fylgir hverju lagi úr hlaði.