Bæn og hugleiðing að morgni dags.

Séra Alfreð Örn Finnsson flytur morgunbæn og orð dagsins.

Útvarpsfréttir.

Hvort sem þú ætlar að fara á fætur eða sofa áfram setur Pétur Grétarsson á fóninn tónlist úr ýmsum áttum.

Lagalisti:

Radiohead - No Surprises.

Egill Ólafsson, Hernández, Lizzy - ¿Estoy aquí? (am I here?).

Beatles, The - Lucy in the sky with diamonds.

Moura, Tavinho - Cadê o boi.

Lenya, Lotte - Pirate Jenny or Dreams of a Kitchen Maid.

Royal Stockholm Philharmonic Orchestra, Fleming, Renée - Virus.

Martineau, Malcolm, Anderson, Lorna - Chants populaires, M. A17 [1910] : No. 1, Chanson espagnole. Andantino.

Devoyon, Pascal, Neidich, Charles - Andante et allegro [1881] : 2. Allegro.

Sinfonia de Carnaval - Sweeping dragon.

Plant, Robert, Krauss, Alison - Fortune teller.

Wade, Alune - Portrait De Maure.

Útvarpsfréttir.

Fréttaþáttur á samtengdum rásum þar sem teknar eru fyrir helstu fréttir dagsins.

Umsjón: Helgi Seljan og Vera Illugadóttir.

Í fyrri hluta þáttarins var Edda Sif Pálsdóttir íþróttafréttamaður á línunni frá Thun í Sviss, þar sem íslenska kvennalandsliðið í knattspyrnu leikur sinn fyrsta leik á EM á miðvikudag.

Í síðari hluta þáttarins var Sigurður H. Helgason forstjóri Sjúkratrygginga gestur Morgungluggans og brást við nýrri skýrslu Ríkisendurskoðunar um Sjúkratryggingar.

Tónlist:

Kalin slóð - Múgsefjun

Björt mey og hrein - Andrea Gylfadóttir

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Pálmi ákvað 12 ára að verða atvinnumaður í tónlist og sér ekki eftir því.

Umsjón: Halldóra Björnsdóttir.

Útvarpsfréttir.

Veðurstofa Íslands.

Dægurflugur og söngvar frá ýmsum tímum.

Umsjón: Jónatan Garðarsson.

Leikin eru dægurlög, íslensk og erlend, sem nutu vinsælda hér á landi sumarið 1984. Lögin sem hljóma í þættinum eru Solid með Ashford og Simpson, Þrisvar í viku með Bítlavinafélaginu, Wake Me Up Before You Go Go með Wham, The Reflex með Duran Duran, Self Control með Lauru Brannigan, Dancing With Tears In My Eyes með Ultravox, I Won't Let The Sun Go Down On Me með Nik Kershaw, Susanna með Art Company, Big In Japan með Alpaville og Vertu ekki að plata mig með HLH flokknum og Sigríði Beinteinsdóttur.

Umsjón: Jónatan Garðarsson.

Útvarpsfréttir.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Fyrsti þáttur Sumarmála þetta sumarið fór í loftið í dag.

Fugl dagsins verður auðvitað aftur á dagskrá eins og undanfarin sumur. Í þeim lið gefum við vísbendingar, heyrum hljóðin sem hann gefur frá sér og hlustendur geta spreytt sig á því að giska á hver fugl dagsins er.

Við heyrðum svo í Agli Helgasyni, nýjum formanni Grikklandsvinafélagsins Hellas þar sem hann er staddur á Grikklandi. Við spurðum hann út í þessa sterku tengingu sem hann hefur við Grikkland, hvernig kom hún til? Hvað er það sem heillar svona mikið við þetta land og hvernig er að dvelja á uppáhaldseyjunni hans Folegandros, hvar hann er nú staddur með fjölskyldunni.

Svo verður fastur liður á mánudögum safn vikunnar eins og fyrri sumur, í þetta sinn var það Listasafn Íslands, Ingibjörg Jóhannsdóttir, safnstjóri, sagði okkur frá því hvað er á döfinni hjá þeim þessa dagana.

Tónlist í þættinum í dag:

Skín sól / Hljómsveit Ingimars Eydal (erlent lag, texti Kristján frá Djúpalæk)

Sól bros þín / Bubbi (Bubbi Morthens)

Serenade (Song for a Wedding) / Kári Egilsson (Kári Egilsson)

UMSJÓN: GUÐRÚN GUNNARSDÓTTIR OG GUNNAR HANSSON

Dánarfregnir.

Útvarpsfréttir.

Íslenskt lag eða tónverk.

Útvarpsfréttir.

Strandveiðibátur sökk úti fyrir Patreksfirði á tólfta tímanum. Einn var um borð. Hann verður fluttur á sjúkrahús í Reykjavík með þyrlu Landhelgisgæslunnar.

Aukinn þungi er í árásum Ísraelshers á norðurhluta Gaza, herinn skipaði fjölda fólks að fara þaðan í gær.

Ekkert liggur enn fyrir um þinglok. Forseti og þingflokksformenn funduðu í morgun og alla helgina án niðurstöðu og veiðigjaldið er enn til umræðu á þingfundi.

Jafnmikilvægt er að tryggja störf á Þingeyri og Ísafirði, segir formaður Verkalýðsfélags Vestfirðinga. Arctic Fish ætti að gera allt sem mögulegt er til að halda áfram starfsemi á Þingeyri.

Dregið hefur úr þróunaraðstoð á sama tíma og ríki verja meiru til varnarmála. Aðstoðin dróst saman um sjö prósent á heimsvísu í fyrra.

Enn á eftir að rannsaka hvort mörk í núverandi áhættumati duga til að fyrirbyggja óæskilega erfðablöndun frá eldislaxi, segir sviðsstjóri hjá Hafrannsóknastofnun. Það ræður miklu um hve mikið eldi er talið óhætt í opnum sjókvíum.

Skjálfti af stærðinni 3 varð í Mýrdalsjökli í morgun. Rafleiðni hefur aukist í Múlakvísl og Jökulsá á Sólheimasandi en vatnsborð hefur ekki hækkað. Fólk er beðið um að gæta sín við árnar.

Lækkun á olíuverði hefur ekki skilað sér til íslenskra ökumanna, samkvæmt greiningu Alþýðusambands Íslands.

Íslenska kvennalandsliðið í fótbolta er komið til Sviss og býr sig undir EM sem hefst eftir tvo daga. Búið er að selja nær alla miða á leiki Íslands.

Þættir þar sem sagt er frá ýmsum stöðum um allt land. Stöðum sem eiga sér sérstakt pláss í hjörtum viðmælenda.

Umsjón: Gígja Hólmgeirsdóttir.

Birna Hjaltadóttir, kennari við Brúarskóla, segir frá Trékyllisvík og sveitinni þar í kring, en það eru æskuslóðir hennar á Ströndum.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón með Hljóðrás ævi minnar hefur Hilmar Oddsson. Hann er kvikmyndaleikstjóri og handritshöfundur, en einnig lagasmiður og meðlimur hljómsveitarinnar Melchior.

Útvarpsfréttir.

Sígild og samtímatónlist frá ýmsum tímum. Íslenskt og erlent í bland.

Tónlistin í þættinum:

London Symphony Orchestra leikur Flying theme eftir John Williams úr kvikmyndinni E.T. the Extra-Terrestrial undir stjórn tónskáldsins.

Bamberger Symphoniker undir stjórn Jakobs Hrůša leika „Blumine“, sinfónískan þátt eftir Gustav Mahler.

Tríó Reykjavíkur (Guðný Guðmundsdóttir á fiðlu, Gunnar Kvaran á selló og Peter Máté á píanó), leika fyrsta þátt, Lento maestoso — Allegro quasi doppio movimento úr Píanótríói nr. 4 op. 90, „Dumky“ eftir Antonín Dvořák.

Magdalena Kožená syngur þrjú lög úr lagaflokknum Þjóðlög frá Mæri eftir Leoš Janáček, Malcolm Martineau leikur með á píanó. Lögin eru Lavecka, litli bekkurinn, Jabúcko, litla epplið, og Muzikanti, tónlistarmennirnir.

Skólakór Kársness syngur undir stjórn Þórunnar Björnsdóttur Íslenska söngdansa í raddsetningu Jóns Ásgeirssonar. Jónas Ingimundarson leikur með á píanó. Söngdansarnir eru sex: Þjóðlögin Hér er kominn Hoffinn og Einum unni ég manninum, Ég sá hjörtinn renna eftir Jón Ásgeirsson, þjóðlagið Kristín talar við móður sín, og lögin Ungar vilja eikur spjalda og Margt er sér til gamans gert eftir Jón Ásgeirsson.

Hallfríður Ólafsdóttir flautuleikari leikur ásamt Sinfóníuhljómsveit Íslands Kólumbínu, divertimento fyrir flautu og strengjasveit eftir Þorkel Sigurbjörnsson. Petri Sakari stjórnar.

Sean Shibe leikur Prelúdíu úr La catedral eftir Agustín Barrios Mangore.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Fyrsta mál á dagskrá verður stutt hugleiðing um bók um harðstjórn og lærdóma, mörgum þykir ástand heimsmálanna víðsjárvert og hafi verið í nokkur ár. Draga þurfi fram hliðstæður af sögunni, lexíur í gömlum skruddum. Margir lesendur eru farnir að draga fram dystópískar skáldsögur til að finna samsvörun, það er aukin sala á slíkum bókmenntum síðustu mánuði. Við ætlum að fletta örlítið í einni þeirra bóka sem hafa tekið slíkt hástökk nýverið. Í ljósi nýlegra pólitískra hræringa í Bandaríkjunum hefur bók sagnfræðingsins Timothy Snyder, Um harðstjórn, öðlast nýtt líf á metsölulistum. Hann hefur verið áberandi álitsgjafi um heimsmálin, sér í lagi Úkraínu en hann hefur sérhæft sig í sögu austur Evrópu. Um harðstjórn, sem kom fyrst út árið 2017, fjallar um lærdóma 20. aldar varðandi uppgang harðstjórnar og lýðræðishrun. Hún á sérstakt erindi við samtímann.

Shirley Jackson, drottning gotneskra hrollvekjubókmennta á 20. öld lést aðreins tæplega fimmtug en var gríðarlega afkastamikill og athyglisverður höfundur. Við fáum til okkar Gunnhildi Jónatansdóttur sem var að þýða skáldsöguna Við höfum alltaf átt heima í kastalanum, We have always lived in the castle sem kom út 1962. Það var allra síðasta útgefna bók Jacksons og af mörgum talin sú besta.

Í hvaða samhengi er prentöldin samhliða tækniþróun samtímans? Ég ætla að segja frá bók bandaríska fræðimannsins Jeff Jarvis um Gutenberg-svigann sem hugsanlega er að lokast með tilkomu internetsins. Hver er framtíð lesturs? Stefnum við inn í öld munnmæla? Er lesandinn dauður eða var það höfundurinn?

Útvarpsfréttir.

Í Heimshorni verður leikin létt tónlist frá ýmsum löndum vítt og breitt um heiminn.

Umsjónarmaður: Þorgeir Ólafsson

Í þættinum verða leikin lög frá Grænhöfðaeyjum, Spáni, Finnlandi og Bretlandi / Vestur-Afríku. Meða flytjenda eru Tito Paris frá Grænhöfðaeyjum og finska söngkonan Arja Saijonmaa.

Útvarpsfréttir.

Örnólfur Árnason gerði þessa þætti árið 2002

Fréttir

Fréttir

Einn fórst þegar bátur sökk út af Patreksfirði.

Lögreglan útilokar ekki að hefja á ný rannsókn á máli írska fiðluleikarans Sean Bradley sem hvarf sporlaust fyrir sjö árum eftir að hann flaug frá Íslandi til Spánar.

Rauð veðurviðvörun verður í gildi víða í Frakklandi á morgun. Hitamet voru slegin á Spáni og í Portúgal um helgina í mikilli hitabylgju sem geisar í Evrópu.

Sósíalistar flykktust síðdegis á aðalfund Vorstjörnunnar, styrktarfélags Sósíalistaflokksins. Miklar deilur hafa verið innan flokksins og snúast meðal annars um fjárreiður Vorstjörnunnar.

Enn er rætt um veiðigjald á Alþingi og allar horfur á að þingstörf teygist inn í júlímánuð.

Sveitarstjóri Rangárþings Eystra segir það hvorki markmið né vilja sveitarfélagsins að stórfelld uppbygging eigi sér stað innan Þórsmerkur en lóðir sem eru samanlagt tæpir tuttugu og fimm hektara hafa verið auglýstar til leigu.

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Suðurhluti Evrópu er að skrælna í hitabylgju og hitamet hafa fallið á Spáni og í Portúgal. Um fimmtíu þúsund manns hafa flúið að heiman undan eldum í Izmir héraði í Tyrklandi. Í El Granado, nærri landamærum Spánar og Portúgals, fór hitinn í 46 stig á laugardaginn og hefur aldrei mælst hærri í júní og enn heitara varð í Mora í Portúgal.

Hálendisvakt Landsbjargar hófst í gær þegar Björgunarfélag Árborgar hélt á fyrstu vakt sumarsins inn í Landmannalaugar. Margar hálendisleiðir eru enn lokaðar en vegirnir opnast einn af öðrum. Fjallaskálar eru komnir í fullan rekstur og ferðamenn mættir þar sem fært er orðið.

Flutt er brot úr Morgunglugga dagsins.

Umsjón: Helgi Seljan og Vera Illugadóttir.

Þættir um barnabækur úr öllum áttum, gamlar og nýjar. Embla ræðir við höfunda, þýðendur, myndhöfunda, leikara og alls konar fólk sem kemur að barnabókum á einn eða annan hátt, að ógleymdum lesendunum sjálfum.

Umsjón: Embla Bachmann

Birgitta Haukdal segir frá nýjustu verkefnum Láru, Ljónsa og Atla sem eru meðal annars uppskriftabók og tónlist. Bókaormurinn Sigurður Þór rýnir í bókina Lára fer á fótboltamót og nefnir líka bækurnar Orri óstöðvandi: heimsfrægur á Íslandi og Vinkonur 1: Bekkjardrottningin.

Veðurfregnir kl. 18:50.

Dánarfregnir.

Tónlist úr ýmsum áttum. Nýjar hljóðritanir Rásar 1 í bland við nýjar plötur íslenskrar og erlendrar tónlistar.

Í þættinum er rætt við Björgvin Ragnar Hjálmarsson saxófónleikara um listina og að taka þátt í 60 ára afmælistónleikum stórsveitar EBU

Tónlistin í þættinum:

Matjaž Mikuletič (1975) - Line out

Klandur - Fönksveinar (brot)

Matjaž Mikuletič (1975) - Quintensive

Matjaž Mikuletič (1975) - Time zone

Matjaž Mikuletič (1975) - Almost annoying

Matjaž Mikuletič (1975) - A timeless pulse

Önnur tónlist:

Ghost Song - Cecile McLorin Salvant

Melusine - Ceceile McLorin Salvant

Housework - Jakob Bro - Uma Elmo

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón með Hljóðrás ævi minnar hefur Hilmar Oddsson. Hann er kvikmyndaleikstjóri og handritshöfundur, en einnig lagasmiður og meðlimur hljómsveitarinnar Melchior.

Gepla kom út árið 1952. Gerpla er einskonar skopstæling á Fóstbræðrasögu, sem rekur æviferil fóstbræðranna Þorgeirs Hávarssonar og Þormóðar Kolbrúnarskálds í upphafi elleftu aldar.

Höfundur les. Hljóðritað 1956.

Lestrar Halldórs Laxness úr safni RÚV eru færðir þjóðinni að gjöf í samstarfi við Guðnýju Halldórsdóttur og Sigríði Halldórsdóttur, dætur skáldsins.

eftir Halldór Laxness.

Höfundur les.

(Hljóðiritað 1956)

Veðurfregnir kl. 22:05.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Fyrsti þáttur Sumarmála þetta sumarið fór í loftið í dag.

Fugl dagsins verður auðvitað aftur á dagskrá eins og undanfarin sumur. Í þeim lið gefum við vísbendingar, heyrum hljóðin sem hann gefur frá sér og hlustendur geta spreytt sig á því að giska á hver fugl dagsins er.

Við heyrðum svo í Agli Helgasyni, nýjum formanni Grikklandsvinafélagsins Hellas þar sem hann er staddur á Grikklandi. Við spurðum hann út í þessa sterku tengingu sem hann hefur við Grikkland, hvernig kom hún til? Hvað er það sem heillar svona mikið við þetta land og hvernig er að dvelja á uppáhaldseyjunni hans Folegandros, hvar hann er nú staddur með fjölskyldunni.

Svo verður fastur liður á mánudögum safn vikunnar eins og fyrri sumur, í þetta sinn var það Listasafn Íslands, Ingibjörg Jóhannsdóttir, safnstjóri, sagði okkur frá því hvað er á döfinni hjá þeim þessa dagana.

Tónlist í þættinum í dag:

Skín sól / Hljómsveit Ingimars Eydal (erlent lag, texti Kristján frá Djúpalæk)

Sól bros þín / Bubbi (Bubbi Morthens)

Serenade (Song for a Wedding) / Kári Egilsson (Kári Egilsson)

UMSJÓN: GUÐRÚN GUNNARSDÓTTIR OG GUNNAR HANSSON

Örnólfur Árnason gerði þessa þætti árið 2002