Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.
Skötuát er fólki kannski ekki efst í huga á sólríkum sumardögum, en þrátt fyrir það hefur Ásmundur Friðriksson fyrrum þingmaður haldið stórar skötuveislur á sumrin við góðar undirtektir. Við fáum Ásmund í heimsókn og spyrjum út í þetta forvitnilega framtak, sem er einnig haldið til styrktar fjölbreyttum málefnum, og svo heyrðum við af því sem hann er að bardúsa eftir að hafa kvatt þingið.
Ása Baldursdóttir, sérfræðingur þáttarins í áhugaverðu efni til að hlusta og horfa á, kom til okkar í dag og hélt áfram að segja okkur frá áhugaverðu efni á hlaðvarpsveitum og sjónvarpsþáttaröðum. Í dag fjallaði hún um hlaðvarpsþáttaröð um 19 ára gamlan kött sem hvarf sporlaust í Bandaríkjunum (The Final Days of Sgt. Tibbs) og svo annan þátt um tvo menn sem hurfu sporlaust í Amazon skóginum (Missing in the Amazon). Ása sagði svo í lokin frá nýjustu þáttaröðina af Black Mirror þar sem tækni og mannleg hegðun takast á.
Fugl dagsins var svo auðvitað á sínum stað
Tónlist í þættinum í dag:
Björk - Litli tónlistarmaðurinn (Freymóður Jóhannsson)
Helgi Björnsson - Þegar flóðið fellur að (Helgi Björnsson, Guðmundur Óskar Guðmundsson, texti Atli Bollason)
Grover Washington Jr. og Bill Withers - Just the two of us (Bill Withers, Ralph MacDonald & William Salter)
UMSJÓN: GUNNAR HANSSON OG HULDA GEIRSDÓTTIR
