Útvarpsfréttir.
Eldgos hófst á Sundhnúksgígaröðinni í nótt og gýs á tveimur sprungum. Hraun rennur til austurs og vesturs en ógnar ekki innviðum. Grindavík og Bláa lónið var rýmt í nótt. Gosstrók leggur yfir Reykjanesbæ og íbúum ráðið að halda sig innandyra vegna gasmengunar.
Þingmaður Miðflokksins segir að veiting ríkisborgararéttar á Aþingi sé misnotuð í þágu, brýnt sé að endurskoða framkvæmdina.
Mikið þrumuveður hefur gengið yfir Vestfirði í morgun og um 500 eldingar hafa mælst frá því skömmu fyrir klukkan átta. Rafmagnslínur Landsnets slógu út og orkukerfi Vestfjarða er á varaafli.
Árás þriggja ungra manna á eldri borgara á Suður-Spáni hefur hrundið af stað öldu mótmæla og óeirða. Á annan tug hafa verið handtekin.
Sjómenn hafa lengi krafist skýringa á mun á fiskverði eftir því hvort landað er í Færeyjum eða á Íslandi, segir formaður Sjómannasambandsins. Helmingi meira fæst fyrir makríl í Færeyjum.
Fimmtán særðust í drónaárásum Rússa á fjórar borgir Úkraínu í nótt. Úkraínuforseti hefur útnefnt nýjan forsætisráðherra.
