Bæn og hugleiðing að morgni dags.

Séra Elínborg Sturludóttir flytur morgunbæn og orð dagsins.

Útvarpsfréttir.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Í tilefni af þjóðhátíðardeginum á morgun var fjallað um íslenskt samfélag og þróun þess, stöðu og horfur. Fyrst ræddu viðmælendurnir, Þórunn Sveinbjarnardóttir, forseti Alþingis og Helgi Gunnlaugsson, prófessor í félagsfræði, um árin undir Dönum og sjálfstæðisbaráttuna. Þau eru sammála um að hér sé gott samfélag en auðvitað megi gera betur á ýmsum sviðum.

Björn Malmquist fjallað um stjórnmál í Evrópu, og heiminum öllum raunar. Fundur sjö helstu iðnríkja heims fer nú fram í Kanada og þar verða tollar og hernaður Rússa í Úkraínu einkum til umræðu.

Sigyn Blöndal flutti pistil frá Filippseyjum. Hún talaði m.a. um sjálfstæðisbaráttu Filippseyinga, þjóðfána þeirra og eldfjöll.

Tónlist:

Alparós - Vilhjálmur Vilhjálmsson og Elly Vilhjálms,

Three wooden crosses - Randy Travis,

I should have known better - Bítlarnir.

Útvarpsfréttir.

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Umsjón: Halldóra Björnsdóttir.

Útvarpsfréttir.

Veðurstofa Íslands.

Dægurflugur og söngvar frá ýmsum tímum.

Umsjón: Jónatan Garðarsson.

Dregnar eru fram nokkrar af þeim íslensku plötum sem komu út árið 1985, en það ár komu óvenju fáar plötur út með frumsaminni tónlist. Lögin sem hljóma í þættinum eru Himnalagið með Grafík, Stúdentshúfan með Bjartmari Guðlaugssyni og Pétri W. Kristjánssyni, Kona með Bubba Morthens, La-líf með Smartband, Móðurást með Possibillies, Hitt lagið með Fásinnu, Steini með Skriðjöklum, Can't Walk Away með Herberti Guðmundssyni og Waiting For An Answer með Cosa Nostra.

Umsjón: Jónatan Garðarsson.

Útvarpsfréttir.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: mannlegi@ruv.is

Umsjón: Guðrún Gunnarsdóttir og Gunnar Hansson.

Við kynntum okkur í dag starfsemi Droplaugastaða hjúkrunarheimilis sem fékk alþjóðlega viðurkenningu síðastliðið haust og hvatningarverðlaun Velferðaráðs Reykjavíkurborgar á dögunum. Jórunn Ósk Frímannsdóttir, forstöðumaður Droplaugarstaða og formaður Öldrunarráðs Íslands kokm í þáttinn og sagði okkur frá starfseminni, hvað Eden heimili felur í sér, verðlaununum og því helsta sem er á döfinni hjá þeim.

Við heyrðum svo í Elísabetu Ögn Jóhannsdóttur, verkefnastjóra Hinsegin hátíðar á Norðurlandi eystra sem haldin verður 18.-22.júní. Þar verður fjölbreytileikanum fagnað og markmiðið er að auka sýnileika LGBTQ+ samfélagsins og byggja upp samfélag sem er opið og öruggt fyrir alla íbúa og gesti. Elísabet Ögn sagði okkur betur frá hátíðinni sem meðal annara öll sveitarfélögin á Norðurlandi eystra standa fyrir.

Svo var það lesandi vikunnar sem var í þetta sinn Hrefna Björg Gylfadóttir, stefnustjóri hjá Veitum. Hún sagði okkur frá því hvaða bækur hún hefur verið að lesa undanfarið og hvaða bækur og höfundar hafa haft mest áhrif á hana í gegnum tíðina. Hrefna sagði okkur frá eftirfarandi bókum og höfundum:

Not the end of the world e. Hanna Ritchie

The Hypocrite e. Jo Hamya

Patriot e. Alexei Navalny

Halldór Laxness og Han Kang

Tónlist í þættinum í dag:

Á skútunni minni / South River Band (Ólafur Þórðarson, texti Helgi Þór Ingason)

Brotin loforð / Bubbi Morthens (Bubbi Morthens)

Constant Craving / K.D. Lang (Mink og K.D. Lang)

UMSJÓN GUÐRÚN GUNNARSDÓTTIR OG GUNNAR HANSSON

Dánarfregnir.

Útvarpsfréttir.

Umsjón hefur Alexía Björg Jóhannesdóttir.

Íslenskt lag eða tónverk.

Útvarpsfréttir.

Hátt í fjögur hundruð mál komu til kasta lögreglunnar á Akureyri um helgina, þar af tvö kynferðisbrotamál og alvarleg líkamsárás. Flest tengjast árlegum Bíladögum á Akureyri.

Ísraelar segja að árásum á Íran verði haldið áfram þar til vopn Írana ógna ekki lengur tilvist þeirra. Á þriðja hundrað hafa fallið í árásum síðustu daga, flestir í Íran.

Lögreglan á höfuðborgarsvæðinu hefur rætt við frönsku lögregluna vegna rannsóknar á andláti karlmanns og dóttur hans á hóteli í miðbænum um helgina.

Þingflokksformenn segja viðræður um þinglok þokast í átt að samkomulagi - en ekki sér til lands.

Samtal flugmanna og viðvörunarhljóð heyrast á upptöku úr flugstjórnarklefa flugvélar Air India sem hrapaði í síðustu viku.

57 ára karlmaður hefur verið handtekinn í Bandaríkjunum grunaður um að hafa myrt þingmann Demókrata, og eiginmann hennar á laugardag.

Mögulega úrelt verkaskipting á milli RARIK og Landsnets tefur uppbygging á nýjum raflínum til Þórshafnar og Víkur í Mýrdal. RARIK segir Landsnet ætla að skilja ákveðin landsvæði eftir í kerfisáæltun.

Kjörsókn jókst lítillega hjá kjósendum 35 ára og yngri í síðustu alþingiskosningum. Kosningaþátttaka var meiri hjá konum en körlum.

Jón Þór Hauksson hefur látið af störfum sem þjálfari ÍA í Bestu deild karla í fótbolta. Skagamenn sitja í botnsæti deildarinnar með níu stig eftir ellefu leiki.

Daglegur fréttaskýringaþáttur þar sem stór og lítil fréttamál eru matreidd á einfaldan hátt.

Viðar Guðjohnsen er stórtækur leigusali 56 stúdííóíbúða og herbergja í fasteign sem hann á í Reykjavík. Viðar var tiltölulega lítt þekktur í samfélaginu þar til árið 2018 en þá bauð hann sig fram í leiðtogakjöri hjá Sjálfstæðisflokknum fyrir borgarastjórnarkosningar.

Viðar lýsir því hvernig það kom til að hann byggði húsið sem hann í Mörkinni 8 með þessum íbúðum og herbergjum fyrir meira en þremur áratugum síðan. Húsnæðið er skilgreint sem gistiheimili samkvæmt fasteignamati. Í því eru aðallega litlar stúdíóíbúðir.

Talsverð umræða hefur verið útleigu á litlum íbúðum og herbergjum á höfuðborgarsvæðinu og aðstæður erlends verkafólks á leigumarkaði eftir brunann mannskæða á Hjarðarhaga fyrir nokkrum vikum. Í sumum tilfellum er búið að breyta húsnæðinu án tilskilinna leyfa þannig að brunavörnum er ábótavant í því.

Rætt er við Viðar Guðjohnsen um reynslu hans af því að vera stórtækur leigusali í Reykjavík.

Umsjón: Ingi Freyr Vilhjálmsson

Opin og gagnrýnin umræða um vísindi, nýsköpun, umhverfi, fréttir og samfélagsmál.

Umsjón: Arnhildur Hálfdánardóttir og Pétur Magnússon.

Netfang: samfelagid@ruv.is

Um 120 kennarar í grunn- og framhaldsskólum komu saman fyrir helgi til að læra nýstárlega aðferð til að kenna stærðfræði. Aðferðin er kölluð upp á íslensku hugsandi kennslustofur og er tíunduð í samnefndri bók eftir hinn sænska Peter Liljeberg – prófessor í stærðfræðimenntun við Simon Fraser-háskólann í Kanada, og það var einmitt hann sem stóð fyrir þessu námskeiði ásamt Bjarnheiði Kristinsdóttur, lektor í stærðfræði við Háskóla Íslands - og Samfélagið kíkti við til að heyra meira.

Hitabylgjan sem reið yfir Ísland og Grænland í maí var öfgafull og hefði aldrei orðið ef ekki væri fyrir loftslagsbreytingar af mannavöldum. Veðurmet féllu á langflestum veðurstöðvum hér á landi. Halldór Björnsson, fagstjóri veðurs og loftslags á Veðurstofu Íslands, segir aukna tíðni öfgaveðurs sem á einungis að geta skollið á á hundrað ára fresti benda til þess að veðurtölfræðin sé öll að breytast.

Helga Lára Þorsteinsdóttir, safnstjóri Ríkisútvarpsins, kemur svo til okkar í lok þáttar - og rifjar upp glæsilegan aðbúnað í hinu sögufræga millilandaskipi Gullfossi.

Tónlist í þættinum:

Berry Chuck - School day (Ring Ring Goes the BellI)

Reverend and the makers - Heatwave in the cold north

Útvarpsfréttir.

Sígild og samtímatónlist frá ýmsum tímum. Íslenskt og erlent í bland.

Sígild og samtímatónlist

Kynnir: Rakel Edda Guðmundsdóttir

Tónlistin í þættinum:

Konsert fyrir fiðlu og hljómsveit í D-dúr, op. 61 eftir Ludwig van Beethoven.

Þættir verksins eru:

1. Allegro ma non troppo

2. Larghetto

3. Rondo. Allegro

María Dueñas leikur einleik á fiðlu ásamt Sinfóníuhljómsveit Vínarborgar undir stjórn Manfred Honeck.

Hljóðritunin kom út í maí 2023.

Söngur án orða fyrir selló og píanó op. 109 eftir Felix Mendelssohn Bartholdy.

Sheku Kanneh-Mason leikur á selló og Isata Kanneh-Mason á píanó.

Hljóðritunin kom út í september 2022.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Það læddist bók inn á sviðið í vikunni; dularfull, stutt skáldsaga sem heitir Páfagaukagarðurinn og hefur valdið bókafólki heilabrotum því höfundurinn, Akörn, er huldumaður. Eintök af bókinni eru fá, nokkrir útvaldir úr bókmenntasenunni fengu senda bók. Þeir fengu nafnlausan Páfagaukagarð í pósti. Og eitt var sent á Skálda bókabúð. Þar er eintakið til sölu fyrir litlar 30 þúsund en verður þó til sýnis í þrjá mánuði þótt það sé búið að selja hana.

En Hver er Akörn? Skiptir það máli, er ekki höfundurinn dauður og lesandinn á lífi? Er þetta allt úthugsað háð sem beinist að fámennri menningarelítu eða er þetta markaðsstönt? Hvernig koma Mexíkó, ljóð Gyrðis Elíassonar og Alvotech við sögu? Við Tómas Ævar Ólafsson rannsökuðum málið.

Umsjón: Jóhannes Ólafsson og Tómas Ævar Ólafsson.

Útvarpsfréttir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Melkorka Ólafsdóttir.

Íslenski þjóðbúningurinn á sér langa sögu og ýmsar myndir. Umræðan um hefðir og reglur í kringum notkun þjóðbúninga hefur verið fjölbreytt og raddirnar ólíkar, sumir vilja halda fast í menningararf og hefðir en öðrum finnst mikilvægara að halda menningunni lifandi þannig að hún endurspegli samtímann. Í þættinum veltum við fyrir okkur íslenska þjóðbúningnum og ræðum við þjóðfræðinginn Önnu Kareni Unnsteins, en hán hefur rannsakað hvernig kynbundnar hugmyndir hafa mótað gerð og notkun búninganna og velt fyrir sér hvernig þjóðbúningur framtíðarinnar gæti litið út ef hann endurspeglar fjölbreytileika kynjanna og hinsegin veruleika.

Við heyrum af verðlaunabók þar sem fólk getur valið sér tímabil til að dvelja í og umhverfi þar sem því líður best. Nýverið kom út hjá Dimmu íslensk þýðing Vesku A. Jónsdóttur og Zophoníasar O. Jónssonar á skáldsögu búlgarska höfundarins Georgi Gospodinov, Tímaskjóli. Gauti Kristmannsson rýnir í bókina í þætti dagsins.

Einnig rifjum við upp innslag frá árinu 2020 þar sem tíðni rigningar á þjóðhátíðardaginn er rannsökuð sem og möguleg lausn við henni; veðurvélin.

Útvarpsfréttir.

Popp og pólitík

Umsjón: Kristján Guðjónsson og Lóa Björk Björnsdóttir.

Í ræðu til útskriftarnema í tíunda bekki taldi skólastjóri í Grunnskóla Reyðafjarðar sig vera að vísa í ljóð eftir skáldið Jón Örn Loðmfjörð, eða Lomma eins og hann er kallaður og sagði: “Það sem við gerum í dag, byggir heiminn á morgun. Látum því góðmennsku og kraft vera okkar leiðarljós.” Tilvitnunin reyndist vera skáldskapur gervigreindarinnar og raunar mjög ólíkur því sem Lommi er þekktur fyrir að skrifa. Þetta er þó viðeigandi á einhvern öfugsnúinn hátt því Lommi er frumkvöðull í að nota forritun og ljóðavélar á skapandi hátt í framúrstefnuljóðlist. Við ræðum við Jón Örn Loðmfjörð um ljóð og vélar.

Alessandra Celesi var heiðursgestur á Skjaldborgarhátíðinni á Patreksfirði. Eftir hana voru sýndar tvær heimildarmyndir sem gerast með nokkura ára millibili í hverfinu New Lodge í Belfast. Þar er margt sem minnir á fortíðina, The Troubles. Áföllin sitja enn í mörgum íbúanna, þó margt hafi gleymst og borgin hafi breyst. En hvers vegna gerir ítölsk sviðslistakona heimildarmyndir á Norður-Írlandi?

Frænkurnar Helga Dögg Ólafsdóttir og Salka Snæbrá Hrannarsdóttir halda áfram að skrifast á í Lestinni.

Fréttir

Fréttir

Lögreglan hefur haft samband við yfirvöld í Frakklandi og á Írlandi vegna feðgina sem fundust látin á hóteli í Reykjavík um helgina.

Engin stór ágreiningsmál eru á dagskrá þingfundar sem hófst klukkan þrjú. Dómsmálaráðherra bað þingflokksformann Framsóknarflokksins afsökunar við upphaf fundarins.

Fínt svifryk sem berst yfir hafið frá skógareldum í Kanada hefur komið fram á mælum í Reykjavík síðustu daga.

Íranir vilja að Bandaríkin fái Ísrael til að láta af árásum sínum. Árásir hafa gengið á víxl síðustu fjóra daga.

Heilbrigðisráðherra hefur falið Sjúkratryggingum að semja við Klíníkina um niðurgreiðslu fleiri aðgerða fyrir konur með endómetríósu.

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Rannsókn lögreglu á fjölskylduharmleik á fimm stjörnu lúxushóteli við Austurbakka í Reykjavík teygir sig bæði til Frakklands og Írlands. Henni miðar vel en er á byrjunarstigi. Ekki er útilokað að frönsk yfirvöld sendi hingað lögreglumenn til að fylgjast með rannsókn málsins.

Flokkshollusta virðist ekki lengur hafa áhrif á val kjósenda eins og hún gerði, um helmingur kjósenda kaus ekki sama flokk í fyrra og hann gerði í alþingiskosningum 2021.

Dettifoss komst nýlega í fréttirnar þegar skriða féll þar og frekara jarðrask uppgötvaðist í kjölfarið. Til að gæta öryggis ferðamanna var leiðum við fossinn lokað tímabundið. Þess utan eru þarna næg verkefni en þrjú til fjögur þúsund gestir skoða Dettifoss á dag.

Þættir um barnabækur úr öllum áttum, gamlar og nýjar. Embla ræðir við höfunda, þýðendur, myndhöfunda, leikara og alls konar fólk sem kemur að barnabókum á einn eða annan hátt, að ógleymdum lesendunum sjálfum.

Umsjón: Embla Bachmann

Guðlaug Jónsdóttir segir okkur frá bókunum sínum: Baukað og brallað í Skollavík og Í huganum heim. Hún segir frá því hvers vegna hún fór að skrifa sögur fyrir krakka og lýsir hinni ímynduðu Skollavík. Bókaormurinn Ásthildur segir frá seinni bók Guðlaugar og öðrum bókum með hún hefur lesið nýlega. Anna Frank og Frida Kahlo koma meðal annars við sögu.

Veðurfregnir kl. 18:50.

Dánarfregnir.

Tónlist úr ýmsum áttum. Nýjar hljóðritanir Rásar 1 í bland við nýjar plötur íslenskrar og erlendrar tónlistar.

Hljóðritun frá lokatónleikum Tíbrár - tónleikaraðar Salarins, sem fram fóru 18.maí sl. Kimi tríó frumflytur Kvöld sorgarinnar eftir Kolbein Bjarnason.

Á undan flutningi heyrist brot úr tónleikaspjalli Axels Inga Árnasonar við Kolbein.

Verkið er samið við fimm ljóð

Ef ég verð að deyja - Refaat Alareer

Endalokin - Konstantinos Kavafis

Gefðu mér gælunafn, fangelsi -Írína Ratúsjínskaja

Úkraínska fyrir aðeins lengra komna - Natasha S.

Guðinn yfirgefur - Anton Konstantinos Kavafis

Um ljóðin og höfunda þeirra

Refaat Alareer (1979–2023) var skáld og prófessor í bókmenntum við Háskólann á Gaza. Hann var myrtur ásamt systkinum sínum og börnum þeirra 6. desember 2023, nokkrum vikum eftir að hann birti ljóðið If I must die á Twitter. Morðingjarnir; leiðtogar Ísraelsríkis ganga enn lausir. Ljóðið er samið á ensku og hefur nú verið þýtt á yfir tvö hundruð tungumál.

Gríska skáldið Konstantions Kavafis (1863–1933) bjó í hinni fornfrægu borg Alexandríu. Ljóðum sínum dreifði hann í þröngum hópi ljóðaunnenda en nú er hann talinn eitt helsta ljóðskáld Grikkja, fyrr og síðar. Ekki er vitað hvort Kavafis hafi ákveðna atburði í huga í ljóði sínu, Endalokunum, sem hann orti árið 1910. Falsfréttir og ófyrirséðar ógnir þessa ljóðs tala hins vegar beint til okkar hér og nú. Í ljóðinu Guðinn yfirgefur Anton (einnig frá 1910) ávarpar hann bardagakappann Anton þegar við honum blasir óumflýjanlegur og endanlegur ósigur.

Árið 1992 gaf Amnesty International út ljóðasafnið Úr ríki samviskunnar með ljóðum 20. aldar skálda hvaðanæva af heimskringlunni í þýðingu Sigurðar A. Magnússonar. Meðal höfunda er Írína Ratúsjínskaja (1954–2017). Hún var úkraínsk en skrifaði á rússnesku. Hún var dæmd til sjö ára þrælkunarvinnu árið 1983 en látin laus 1986. Ljóðið er samið á fyrstu dögum hennar í sovésku fangelsi.

Natasha S. (1987) er rússnesk en hefur undanfarin ár búið á Íslandi. Úkraínska fyrir aðeins lengra komna birtist í ljóðabók hennar Máltaka á stríðstímum sem kom út árið 2022. Aftan á bókarkápu skrifar Natasha: „Ótti og hatur eru / aðalvopn áróðurs / ég vel að vera óhrædd / og elska“.

Öll ljóðin eru sungin á frummálinu. Verkið er samið með styrk frá Tónskáldasjóði RÚV og STEFs.

Einnig heyrist í þættinum tónlist eftir úkraínska tónskáldið Valentin Silvestrov - Serenade for string orchestra [1978].

Auk þess syngur Rim Banna ástarsöngva frá Palestínu.

Opin og gagnrýnin umræða um vísindi, nýsköpun, umhverfi, fréttir og samfélagsmál.

Umsjón: Arnhildur Hálfdánardóttir og Pétur Magnússon.

Netfang: samfelagid@ruv.is

Um 120 kennarar í grunn- og framhaldsskólum komu saman fyrir helgi til að læra nýstárlega aðferð til að kenna stærðfræði. Aðferðin er kölluð upp á íslensku hugsandi kennslustofur og er tíunduð í samnefndri bók eftir hinn sænska Peter Liljeberg – prófessor í stærðfræðimenntun við Simon Fraser-háskólann í Kanada, og það var einmitt hann sem stóð fyrir þessu námskeiði ásamt Bjarnheiði Kristinsdóttur, lektor í stærðfræði við Háskóla Íslands - og Samfélagið kíkti við til að heyra meira.

Hitabylgjan sem reið yfir Ísland og Grænland í maí var öfgafull og hefði aldrei orðið ef ekki væri fyrir loftslagsbreytingar af mannavöldum. Veðurmet féllu á langflestum veðurstöðvum hér á landi. Halldór Björnsson, fagstjóri veðurs og loftslags á Veðurstofu Íslands, segir aukna tíðni öfgaveðurs sem á einungis að geta skollið á á hundrað ára fresti benda til þess að veðurtölfræðin sé öll að breytast.

Helga Lára Þorsteinsdóttir, safnstjóri Ríkisútvarpsins, kemur svo til okkar í lok þáttar - og rifjar upp glæsilegan aðbúnað í hinu sögufræga millilandaskipi Gullfossi.

Tónlist í þættinum:

Berry Chuck - School day (Ring Ring Goes the BellI)

Reverend and the makers - Heatwave in the cold north

Gepla kom út árið 1952. Gerpla er einskonar skopstæling á Fóstbræðrasögu, sem rekur æviferil fóstbræðranna Þorgeirs Hávarssonar og Þormóðar Kolbrúnarskálds í upphafi elleftu aldar.

Höfundur les. Hljóðritað 1956.

Lestrar Halldórs Laxness úr safni RÚV eru færðir þjóðinni að gjöf í samstarfi við Guðnýju Halldórsdóttur og Sigríði Halldórsdóttur, dætur skáldsins.

eftir Halldór Laxness.

Höfundur les.

(Hljóðiritað 1956)

Veðurfregnir kl. 22:05.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: mannlegi@ruv.is

Umsjón: Guðrún Gunnarsdóttir og Gunnar Hansson.

Við kynntum okkur í dag starfsemi Droplaugastaða hjúkrunarheimilis sem fékk alþjóðlega viðurkenningu síðastliðið haust og hvatningarverðlaun Velferðaráðs Reykjavíkurborgar á dögunum. Jórunn Ósk Frímannsdóttir, forstöðumaður Droplaugarstaða og formaður Öldrunarráðs Íslands kokm í þáttinn og sagði okkur frá starfseminni, hvað Eden heimili felur í sér, verðlaununum og því helsta sem er á döfinni hjá þeim.

Við heyrðum svo í Elísabetu Ögn Jóhannsdóttur, verkefnastjóra Hinsegin hátíðar á Norðurlandi eystra sem haldin verður 18.-22.júní. Þar verður fjölbreytileikanum fagnað og markmiðið er að auka sýnileika LGBTQ+ samfélagsins og byggja upp samfélag sem er opið og öruggt fyrir alla íbúa og gesti. Elísabet Ögn sagði okkur betur frá hátíðinni sem meðal annara öll sveitarfélögin á Norðurlandi eystra standa fyrir.

Svo var það lesandi vikunnar sem var í þetta sinn Hrefna Björg Gylfadóttir, stefnustjóri hjá Veitum. Hún sagði okkur frá því hvaða bækur hún hefur verið að lesa undanfarið og hvaða bækur og höfundar hafa haft mest áhrif á hana í gegnum tíðina. Hrefna sagði okkur frá eftirfarandi bókum og höfundum:

Not the end of the world e. Hanna Ritchie

The Hypocrite e. Jo Hamya

Patriot e. Alexei Navalny

Halldór Laxness og Han Kang

Tónlist í þættinum í dag:

Á skútunni minni / South River Band (Ólafur Þórðarson, texti Helgi Þór Ingason)

Brotin loforð / Bubbi Morthens (Bubbi Morthens)

Constant Craving / K.D. Lang (Mink og K.D. Lang)

UMSJÓN GUÐRÚN GUNNARSDÓTTIR OG GUNNAR HANSSON

Popp og pólitík

Umsjón: Kristján Guðjónsson og Lóa Björk Björnsdóttir.

Í ræðu til útskriftarnema í tíunda bekki taldi skólastjóri í Grunnskóla Reyðafjarðar sig vera að vísa í ljóð eftir skáldið Jón Örn Loðmfjörð, eða Lomma eins og hann er kallaður og sagði: “Það sem við gerum í dag, byggir heiminn á morgun. Látum því góðmennsku og kraft vera okkar leiðarljós.” Tilvitnunin reyndist vera skáldskapur gervigreindarinnar og raunar mjög ólíkur því sem Lommi er þekktur fyrir að skrifa. Þetta er þó viðeigandi á einhvern öfugsnúinn hátt því Lommi er frumkvöðull í að nota forritun og ljóðavélar á skapandi hátt í framúrstefnuljóðlist. Við ræðum við Jón Örn Loðmfjörð um ljóð og vélar.

Alessandra Celesi var heiðursgestur á Skjaldborgarhátíðinni á Patreksfirði. Eftir hana voru sýndar tvær heimildarmyndir sem gerast með nokkura ára millibili í hverfinu New Lodge í Belfast. Þar er margt sem minnir á fortíðina, The Troubles. Áföllin sitja enn í mörgum íbúanna, þó margt hafi gleymst og borgin hafi breyst. En hvers vegna gerir ítölsk sviðslistakona heimildarmyndir á Norður-Írlandi?

Frænkurnar Helga Dögg Ólafsdóttir og Salka Snæbrá Hrannarsdóttir halda áfram að skrifast á í Lestinni.